Departamenti i Thesarit i Shteteve të Bashkuara ka njoftuar sanksione të reja që synojnë dy kompanitë më të mëdha të naftës në Rusi – Rosneft dhe Lukoil – në një përpjekje për të ushtruar presion mbi Moskën që të negociojë një marrëveshje paqeje në Ukrainë.
“Duke pasur parasysh refuzimin e Presidentit Putin për t’i dhënë fund kësaj lufte të pakuptimtë, Thesari po vendos sanksione ndaj dy kompanive më të mëdha të naftës në Rusi, të cilat financojnë makinerinë luftarake të Kremlinit”, tha Sekretari Amerikan i Thesarit, Scott Bessent, në një deklaratë.
Njoftimi u bë në momentin kur Sekretari i Përgjithshëm i NATO-s, Mark Rutte, pritej në Shtëpinë e Bardhë për të diskutuar negociatat e paqes.
Ky njoftim nga SHBA erdhi pasi Rusia kishte ndërmarrë një bombardim të ashpër ndaj Ukrainës dhe pasi Trump deklaroi se planet për një takim me Vladimir Putinin në Budapest ishin pezulluar.
j.l./ dita
