Një ngjarje e rëndë është raportuar mëngjesin e sotëm në Meksikë. Sipas mediave, 9 persona kanë humbur jetën dhe 50 të tjerë kanë mbetur të plagosur si pasojë e shembjes së çatisë së një kishe.
Ngjarja ka ndodhur në Santa Cruz.
Përafërsisht 30 famullitarë besohet se ishin bllokuar në rrënoja kur çatia u rrëzua.
Policia e shtetit Tamaulipas tha se rreth 100 persona ndodheshin në kishë në momentin e shembjes.
Zyra e zëdhënësit të sigurimit të shtetit tha të dielën vonë se nëntë persona ishin konfirmuar të vdekur nga shembja, të cilën ajo e përshkroi si një dështim strukturor.
Peshkopi José Armando Alvarez i Dioqezës Katolike Romake të Tampico tha se çatia u rrëzua ndërsa famullitarët po merrnin kungimin në kishën Santa Cruz në qytetin bregdetar të Gjirit Ciudad Madero, pranë qytetit port të Tampico.
Dioqeza më pas publikoi një listë me rreth 50 persona që ishin shtruar në spital si pasojë e aksidentit, mes të cilëve një foshnjë 4-muajshe, tre 5-vjeçarë dhe dy 9-vjeçarë.
Meksika radhitet e dyta në botë për numrin e katolikëve, ku Brazili vjen i pari dhe Filipinet në vendin e tretë. Rreth 84 për qind e meksikanëve janë katolikë praktikantë.
Virgjëresha Mari është një figurë fetare që gjendet pothuajse në çdo shtëpi. Çdo 12 dhjetor, miliona pelegrinë vizitojnë Bazilikën për të falënderuar Virgjëreshën për plotësimin e dëshirave apo për t’i kërkuar një mrekulli.
j.l./ dita
