Policia e Kosovës ka njoftuar se në orët e hershme të së mërkurës ka pranuar informacione për vënien e zjarrit dhe djegien e një veture me targa RKS – Republika e Kosovës – në Zubin Potok, pronar i së cilës ka qenë një qytetar i komunitetit serb.
Policia ka thënë se zjarrfikësit kanë dalë në skenën e incidentit dhe se autoritetet janë duke hetuar rastin.
Ky njoftim vjen një ditë pasi Qeveria e Kosovës ka nisur të zbatojë planin në tri faza për riregjistrimin e makinave me targave ilegale serbe në RKS.
Faza e parë përfshin qortimin e shoferëve, e dyta parasheh gjobë deri në 150 euro për ata shoferë, dhe e treta targa provuese.
Zbatimi i këtij plani pritet të përfundojë më 21 prill dhe, nga ajo datë, në qarkullim do të lejohen vetëm makina me targa RKS.
Dita e parë e qortimit: Dilema dhe kundërshtime për targat
Në komunat veriore të Kosovës të banuara me shumicë serbe – Mitrovicë e Veriut, Zveçan, Leposaviç dhe Zubin Potok – llogaritet se janë deri në 10.000 automjete me targa ilegale serbe.
Këto targa i lëshon Serbia dhe bartin akronime serbe të qyteteve të Kosovës, si: KM, GL, PR, UR e të tjera.
Në javët e fundit janë shtuar incidentet në veri të Kosovës, që kryesisht kanë cak serbët që po riregjistrojnë makinat në RKS.
Institucionet e Kosovës kanë fajësuar “grupet ilegale ekstremiste” për këto incidente.
Autoritetet në Kosovë kanë thënë se nga 1 shtatori deri më 27 tetor kanë regjistruar tri incidente të sulmeve ndaj serbëve që i janë përgjigjur kërkesës për riregjistrimin e makinave.
Deri në fund të muajit tetor besohet se rreth 20 makina me targa ilegale serbe janë pajisur me targat RKS.
Përfaqësuesit e Listës Serbe – partisë më të madhe të serbëve në Kosovë – nuk kanë reaguar për djegien e makinave dhe pronave të banorëve serbë.
As Beogradi zyrtar nuk ka komentuar publikisht këto sulme në veri të Kosovës. / REL
j.l./ dita
Ca eshte ky gomari qe kane marre per te shkruar. Makinat qe kane per “cak” serbet!?
E do thone pastaj, nisi per nje targe! Muhabete koti, per nxitesit e tensioneve!
Serbet duan tensione dhe vetem tensione .Qeveria e Kosoves eshte e duruar se te kishte qene ndonje Qeveri si ajo e Turqise I kishte cu zgupthi serbet
Kush i do tensionet, Kosova? Apsolutisht jo, nuk ka asnje perfitim Kosova nga tensione te tilla!
Tensionet i krijojne qytetaret serbe te Kosoves, te nxitur nga qarqe ekstreme ne Serbi, te cilet i nxisin ata per mosbindje nda ligjit, me qellim krijimin e nje shteti paralel ne Kosove. Nga forcat policore ne Kosove por edhe nga gjithe qytetaret, kerkohet qetesi dhe vigjilence ndaj cdo provokimi!