Pas shumë përpjekjesh nga zjarrfikëset e Vau të Dejës, Shkodrës, Malësisë së Madhe dhe Fushë Arrëzit, dhe me ndihmën e shumë vullnetarëve të zonës dhe të tjerë nga Shkodra u bë e mundur vendosja nën kontroll e zjarrit në malin Zefjanë në bashkinë Vau Dejës.
Forcat zjarrfikëse kanë punuar gjatë gjithë natës për të vënë nën kontroll zjarrin që rrezikoi edhe banesat.
Si pasojë e flakëve është dëmtuar një sipërfaqe e madhe e malit si dhe janë shkaktuar dëmtime në varrezat e zonës.
Aktualisht ka dhe disa vatra aktive në zonë të cilat janë të vendosura nën kontroll dhe po monitorohen nga forcat zjarrfikëse.
