Ditën e sotme Belind Këlliçi bashkë me drejtuesin e grupimit të Foltores Sali Berisha zhvilluan një takim me disa të rinj të FRPD-së të cilët drejtohen nga Besard Xhaferri
Por edhe pse folën për hapje për të rinjtë, zgjedhjet në Forumin Rinor të Partisë Demokratike ishin një farsë, pasi emri i Xhaferrit ishte një direktivë direkte e Këlliçit dhe e Bertishës.
Pas zgjedhjeve në Forumin Rinor të Partisë Demokratike, ka patur shumë akuza për manipulim dhe paracaktim të fituesit.
Ish-këshilltari I PD-së Neritan Sejamini ka akuzuar për manipulime të shumta të garës. Duket se zgjedhjet i kanë bërë njerëz që nuk kanë lidhje me forumin. Ju keni shkelur statutin dhe çdo vendim i juaji është nul. Këta kanë krijuar standart që mund të rrish edhe 40 vjeç në forum. Të gjithë të drejtat e tua si udhëheqës i forumit, burojnë nga qenia anëtar i forumit” do të shprehej aso kohe Sejamini.
Akzua të forta do të vinin dhe nga Kostandin Pula, ish kandidat për kryeatar të FRPD në Kurbin, I cili ka zbuluar se ai u përjashtua nga gara për shkak se ishte 31 vjeç, ndërkohë që Besart Xhaferri u zgjodh kryetar i FRPD, ditën e djeshme, duke qenë 32.7 vjeç.
“Jam një nga njerëzit afër forumit. Para 6-7 vitesh kandidova vetë për kryetar të forumit në Kurbin. Jam hequr nga gara 12 orë para, me vendim kryesie, sepse isha 31 vjeç. Formalisht mu tha se ishin tre vajza në garë dhe unë. Unë isha më i madhi. Më thanë po të largojmë për shkak të moshës.
Procesi zgjedhor edhe atëherë edhe ky proces ka qenë me komandim dhe urdhër nga lart. Jam dëshmitar personalisht. Belindi do të manipulojë, e kam thënë përpara.
E njoh shumë mirë forumin rinor edhe nga brenda dhe kam ndejtur shumë afër forumit rinor.
Në Kurbin kam bërë 1 mijë anëtarësime. Unë kam parë me sytë e mi që kanë futur dorën. Më përjashtuan nga gara se isha 31 vjeç. Jam larguar me vendim të kryesisë së FRPD. E ka organizuar kryesia garën në atë kohë”, deklaroi Pula.
