Partia Demokratike e sheh fitimin e Bashkisë së Tiranës si mundësi punësimi për militantët dhe simpatizantët e saj. Duke folur në takimin e kësaj të shtune me disa të rinj të FRPD bashkë me Sali Berishën, kandidati i koalicionit të drejtuar nga Partia e Lirisë për Bashkinë e Tiranës Belind Këlliçi paralajmëroi spastrimet në administratë vendore të Bashkisë së Tiranës.
“Unë kam thënë para pak ditësh që jo të gjithë i ka bërë të kënaqur, faktin që minimalisht 30 përqind e punonjësve në Bashkinë e Tiranës do të vijnë nga radhët e të rinjve”, deklaroi Këlliç.
Kjo nuk është hera e parë që Belind Këlliçi kërcënon me largime nga puna. Edhe më herët Këlliçi ka deklaruar se sapo të vijë në bashki do të largoje njerëz nga puna.
“Fitoren e marrin demokratët që janë papunë, kanë 10 vjet, janë në opozitë”, ka deklaruar më herët Këlliçi.
