Udhëheqësi de fakto i Sudanit dhe kreu i ushtrisë së tij, Abdel Fattah al-Burhan, shpalli një armëpushim “të njëanshëm” të martën në mbrëmje, ditën e parë të festës myslimane të Kurban Bajramit.
Në një fjalim në televizionin shtetëror, al-Burhan tha se e gjithë bota po shikon se çfarë po ndodh në vend dhe se forcat e armatosura kanë përmbushur përgjegjësitë e tyre kundër asaj që ai e quan si “komploti tradhtar”.
Ai më pas shpjegoi se komandanti i forcave paraushtarake të mbështetjes së shpejtë (RSF), Mohamed Hamdan Dagalo, i cili ka qenë në konflikt me ushtrinë që nga 15 prilli, dëshiron të themelojë qeverinë e tij “mbi mbetjet dhe kafkat e sudanezëve”.
p.k\dita
