Një ngjarje e rëndë ka ndodhur pak minuta më parë në kryeqytet, ku në zonën e njohur si “Komuna e Parisit” është qëlluar me armë zjarri drejt një personi 45-vjeçar, identiteti i të cilit ende nuk dihet.
Ngjarja ka ndodhur në rreth rrotullimin e Komunës dhe si pasojë e të shtënave ka mbetur i plagosur një person, i cili menjëherë është nisur drejt Spitalit të Traumës.
Në vendin e ngjarjes kanë “zbarkuar” forca të shumta policie.
Për të ndjekur nga afër këtë ngjarje të rëndë të ndodhur në mes të ditës, në një zonë mjaft të frekuentuar nga qytetarët, ka shkuar edhe vetë Drejtori i Policisë së Tiranës, Tonin Vocaj.
Lidhur me këtë ngjarje pritet në vijim një reagim zyrtar.
Dëshmitarët të cilët ndodheshin në atë zonë kanë bërë me dije se kanë dëgjuar 5 të shtëna me armë zjarri.
Mësohet se autori e ka qëlluar qytetarin në këmbë dhe më pas është larguar me shpejtësi me automjetin e tij.
Sakaq bëhet me dije se në momentin që ambulanca ka marrë të plagosurin, i cili dyshohet se është shtetas i huaj, ai ka qenë i vetëdijshëm.
j.l./ dita
