Edhe përgjatë ditës së djeshme mijëra fitues nga të gjitha qytetet në vend u janë gëzuar dhuratave dhe çmimeve të mëdha të fituara në Telebingo Shqiptare, jo vetëm në lojën telefonike me zarfet, por edhe në rrotën e fatit, si dhe shortin e goglave për çmimin e madh të javës që lamë pas.
Përzgjedhja e fituesve ka nisur me lojën e Rrotës së Fatit, ku fillimisht janë përzgjedhur 10 fituesit e çmimit tradicional prej 20,000 lekësh, të cilët do të luajnë sërish të dielën e datës 9 korrik për të fituar dy çmimet e mëdha prej 1 milionë lekësh (të vjetra), si dhe shumat e tjera të rrotës. Ndërkohë që në lojën e zhvilluar nga dhjetë fituesit e përzgjedhur në shorteun e datës 25 qershor, dje në Rrotën e Fatit janë fituar mbi 4.3 milionë lekë (të vjetra). Konkretisht, nga kjo lojë, dje Ilia ka marrë shumën prej 24,000 lekësh, Aristoteli 27,000 lekë, Rizai 40,000 lekë, Rakipe 30,000 lekë, Hako 103,000 lekë, Erifeli 26,000 lekë, Mirela 27,000 lekë, Lule 27,000 lekë, Kujtimi 26,000 lekë, si dhe Skerdi 101,000 lekë
Me surpriza dhe emocione të shumta është shoqëruar edhe loja telefonike për çmimet dhe dhuratat e fshehura në zarfe. Jorgo në Korçë ishte fituesi i parë e kësaj loje që ka tentuar të gjejë se në cilin prej zarfeve mund të fshiheshin Rrogat Telebingo, Super peta, etj. Ndonëse nuk i ka qëlluar në shenjë këto çmime, i ka fituar shumën prej 65,000 lekësh. Nikollaqi në Fier ishte një tjetër fitues që ka siguruar nga loja me zarfet po 60,000 lekë. Më tej një tjetër fituese në nga qyteti i Përrenjasit ka vijuar të luajë me çmimet e fshehura në zarfe ku dhe ka fituar plot 60,000 lekë lekë.
Fati i ka buzëqeshur më së miri edhe Agimit në Tiranë, i cili në lojën telefonike ka fituar 1 milionë lekë të vjetra. Ndërsa Albana në Tiranë ka fituar në vijim 55,000 lekë. Ndërsa fituesja e fundit e lojës telefonike me dhuratat dhe çmimet e fshehura në zarfe, Ariela ka siguruar shumën prej 75,000 lekësh.
Përzgjedhja e fituesve ka vijuar edhe me hedhjen e shortit të goglave për çmimin e madh që ka mbërritur në vlerën e 1,000,150 lekëve. Seria e numrave të përzgjedhur e ka ndarë çmimin e madh ndërmjet dy fituesve në Tiranë dhe Durrës, ku secili prej tyre do të marrë nga Telebingo shumën prej 500,075 lekësh. Shorti i goglave ka përzgjedhur edhe mijëra fitues të tjerë nëpërmjet serisë së fituesve me një linjë dhe dy linja. Konkretisht, janë shpallur si fitues të 50 lekëve 16533 lojtarë. Fitues të serisë me dy linja janë shpallur 389 persona të tjerë, ku secili prej tyre siguron shumën prej 855 lekësh. Fitues të një bilete janë shpallur edhe të gjitha ata persona që kanë numrin 7, të përcaktuar si numër fati në biletën e tyre.
Mbi 8.5 milionë lekë të vjetra është shuma që ka marrë, Ylli Velani nga Peshkopia, i cili ishte fituesi e çmimit të madh të dalë nga shorteu i datës 25 qershor.
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.