Momenti tensioni u shënuan në protestën e 31-të para Kryeministrisë. Një qytetare u dhunua verbalisht nga disa persona, që dyshuan se ajo ishte aty si e infiltruar e Partisë Socialiste.
Dyshimet lindën pasi gruaja u pa teksa filmonte protestues të tjerë.
Teksa po sqaronte se ishte një gazetare shqiptare që punon në Greqi, një person i afrohet dhe i zbraz një shishe me lëng frutash “Bravo” mbi kokë.
Pas ngjarjes, gruaja sqaroi se në protestë po merr pjesë si qytetare e thjeshtë dhe mohoi kategorikisht akuzat se është “patronazhiste”.
Pas përplasjes së dy qytetarëve, aktivisti Edison Lika ka ndërhyrë duke marrë mikrofonin e duke u kërkuar qytetarëve që të ruajnë qetësinë dhe të mos provokohen.
