Një tërmeti 6 ballë i shkallës Rihter ndodhi në orët e para të ditës së sotme në veriperëndim të Turqisë.
Si pasojë u lënduan të paktën 35 persona, njëri prej të cilëve ndodhet i shtruar në spital në gjendje kritike.
Tërmeti, i cili ishte afër sipërfaqes, kishte një thellësi fokale rreth dhjetë kilometra, ndodhi në orën 04:08 dhe epiqendra e tij ishte rreth 170 km, në lindje të Stambollit.
“Kemi 35 të plagosur, mes të cilëve një në gjendje kritike”, tha ministri turk i Shëndetësisë Fahrettin Koca.
Sipas Agjencisë Turke të Mbrojtjes Civile (AFAD), tërmeti ka qenë me magnitudë 5.9 ballë. Shërbimi Gjeologjik i SHBA-së (USGS) vlerësoi se tërmeti ishte me magnitudë 6.1 ballë, ndërsa Qendra Sizmologjike Euro-Mesdhetare (EMSC) vlerësoi se tërmeti ishte me magnitudë 6 ballë.
Epiqendra e tërmetit ishte në provincën Duje të Detit të Zi dhe pasuan disa pasgoditje, sipas AFAD. Ajo është ndjerë në Stamboll dhe në kryeqytetin Ankara.
Sizmologët kanë paralajmëruar së fundmi se ekziston mundësia që një tërmet i fortë të godasë Stambollin, qytetin më të madh të Turqisë, në të ardhmen e afërt.
Kryetari i bashkisë së qytetit të Dujes, Faruk Ezlu tha për televizionin CNN Türk se shumë banorë janë pushtuar nga paniku.
j.l./ dita
Ka shume mundesi qe ne Shqiperi po vjen nje termet i tille i forte.
Asnje te vdekur nga nje termet me i forte se i Thumanes qe groposi poshte betonit 59 vete qe do te thote se arnautet ne dallim nga osmanllinjte jane injorante kampion ne menaxhimin e shtetit