Turqia nuk do t’i bashkohet sanksioneve të Perëndimit ndaj Rusisë, duke afirmuar kështu një pavarësi politike që pritet të krijojë aspirim edhe për Kremlinin.
Zëdhënësi i presidentit turk, Ibrahim Kalin ka deklaruar për kanalin televiziv, Haberturk se Ankaraja do të ndjekë interesat e veta:
“Ne po ndjekim një politikë të mirëbalancuar në lidhje me Rusinë. Ne nuk do të vendosim sanksione dhe nuk do t’u bashkohemi atyre.
Ne duhet të shohim interesat tona. Nëse të gjithë prishin urat, atëherë kush do të flasë me Rusinë?
Marrëdhëniet tona me Rusinë kanë një karakter të tillë, saqë sanksionet do të dëmtojnë më shumë ekonominë turke sesa atë ruse”, tha ai.
Turqia merr kështu një rol të ri në kontekstin e një krize që nuk po ka ende rrugëdalje, përveçse asaj ushtarake.
j.l./ dita
