Detaje të reja kanë dalë nga sulmi terrorist në sallën e koncerteve “Crocus City” në Moskë pasditen e sotme ku për pasoj mbetën të vrarë 40 persona dhe mbi 100 u plagosën. Gjatë sulmit mësohet se janë hedhur dy bomba, pas së cilës ka shpërthyer zjarri i cili ka sjellë shembjen e çatisë së kompleksit.
Terroristët që sulmuan Crocus thuhet se u arratisën me një makinë Renault të bardhë, një foto e makinës u publikua nga RIA Novosti.
Deklaratat në emër të ISIS-it të dyshuar për përgjegjësinë për sulmin terrorist në rajonin e Moskës janë përgënjeshtruar.
Në faqen e internetit të Ministrisë së Shëndetësisë të Rajonit të Moskës u publikua lista e viktimave në Bashkinë e Crocus, janë 37 persona të identifikuar tashmë.
Rosguardia ka përfunduar inspektimin e zonës dhe kompleksit Crocus City Hall. Shërbimet e sigurisë së transportit janë vënë në gatishmëri të lartë, po vendoset kontroll shtesë në rrugë.
Në mesin e viktimave në “Crocus” mësohet se ka edhe fëmijë, sipas asaj që raportojnë autoritet në Moskë.
Nga ana tjetër, Ministria e Kulturës ka njoftuar anulimin e ngjarjeve masive dhe argëtuese në institucionet federale për ditët në vijim.
j.l./ dita
