Teknologjia e së ardhmes, tashmë është një realitet në rrugët e Parisit. Një hologram gjigand në formën e një alieni me trup njerëzor shfaqet nëpër rrugë, mbi ndërtesa, apo si manekin lëvizës i dyqaneve më në zë të modës.
Ai quhet Alieni Zlu dhe është bërë jashtëzakonisht i famshëm, sidomos në rrjetet sociale me video gati të pabesueshme, sa njerëzit mendojnë se janë montazhe kompjuterike.
Ai ishte krijuar tërësisht nga kompjuteri në 3D, pa asnjë ide për ndikimin që do të kishte. Tani Zlu ka një “jetë” të tijën në Tokë dhe krijuesit shpresojnë që ai të mbrojë diversitetin në botën e modës.
Zlu mund të përfaqësojë marka të ndryshme në ekranet virtuale 3D gjigande si dhe ka aftësinë të shfaqet si një hologram kudo për të nxjerrë në pah një arkitekturë, për të ndriçuar markat apo edhe për të transformuar një vend ikonik.
Kur ai shfaqet si avatar nëpërmjet teknologjisë më të avancuar, bëhet i dukshëm për syrin e njerëzve dhe mjafton që ata të ndalojnë dhe të shijojnë shfaqjen.
Shihni disa nga videot e tij në rrjet.
View this post on Instagram
View this post on Instagram
View this post on Instagram
View this post on Instagram
j.l./ dita
