Ka patur incidente të shumta me tifozët polakë para dhe pas ndeshjes Shqipëri-Poloni, e vlefshme për eleminatoret e Kampionatit Europian të Futbollit, Gjermani 2024.
Në këtë video, një grup tifozësh të Polonisë shkaktojnë një sherr masiv në Bllok në lokalet e rrugës Ismail Qemali.
Ata filluan të rrëzojnë karriget dhe tavolinat që janë me shumicë në trotuaret e kësaj rruge.
Pas kësaj, janë rrahur me pronarët dhe stafin e lokaleve si dhe me tifozë që ishin ulur në këtë zonë të Bllokut pas ndeshjes.
Ndërhyrja e policisë dhe shoqërimi i një numri tifozësh ka qetësuar situatën.
Edhe para ndeshjes u desh ndërhyrja e forcave të shumta të policisë për të ndaluar një sherr masiv në zonën ku ishin tifozët polakë, të cilët u goditën me tifozët shqiptarë të tribunës ngjitur me ta.
p.c./ dita
