Pas 8 vitesh, rikthehet në Gjirokastër Festivali Folklorik Kombëtar. Festivali do të zhvillohet nga data 24 qershor deri më 1 korrik në Kalanë e Gjirokastrës.
Ka qenë kryeministri Edi Rama dhe Ministrja e Kulturës, Elva Margariti që kanë ndarë lajmin e mirë për rikthimin e këtij festivali me motivet, ritmet, këngët e vallet e të gjithë krahinave shqiptare.
“Sofra e madhe e trashëgimisë sonë jomateriale ju pret shtruar nga data 24 qershor në 1 korrik. Festivali Folklorik Kombëtar i Gjirokastrës, ngjarja më e madhe #kulturore gjithëpërfshirëse rikthehet pas 8 vitesh!”, – shkruan në një postim, ministrja Margariti, duke postuar videon e mëposhtme:
Edicioni i parë i këtij festivali është çelur në 11 tetor të vitit 1968 në qytetin muze të Gjirokastrës. Ai konsiderohet si një festival unik në ruajtjen, mbrojtjen dhe popullarizimin e trashëgimisë kulturore shpirtërore në Shqipëri.
j.l. / dita
