Njerëzit po zbulojnë së fundmi zhurmën e Aurora Borealis – e njohur edhe si Dritat Veriore – dhe janë të tmerruar.
Dëgjoni audion më poshtë.
Tingulli i ka magjepsur dhe intriguar njerëzit për vite me radhë, me krahasime të bëra midis tingujve të një ujëvare nga distanca dhe zhurmës statike.
Komunitetet indigjene gjithashtu kanë raportuar se kanë dëgjuar tinguj. Mamie Williams, një anëtare e fisit Tlingit në Hoonah, Alaska tha: “Paraardhësit tanë na e kanë bërë të ditur, ata thonë: Kemi kaluar përtej, por ne jemi ende këtu me ju”, raporton CNN.
Raportet kanë përshkruar zhurmat për më shumë se një shekull, por vetëm regjistrimet e bëra nga inxhinieri akustik Unto Laine nga Universiteti Aalto në Finlandë në vitin 2012, u konfirmuan se ishin reale.
Meqenëse aurorat janë të njohura kryesisht për valët kërcyese të ndritshme të dritës që pikturojnë qiellin, është e kuptueshme pse shumë prej nesh nuk e kishin idenë se ato gjithashtu kishin një tingull.
Këtë muaj, përdoruesit e Reddit zbuluan zhurmën, e cila u përshkrua si “shqetësuese”.
Një komentues tha: “Të shohësh ata [Dritat e Veriut] është absolutisht spektakolare. Megjithatë, t’i dëgjoja ato ishte shqetësuese për mua.”
Aurorat ndodhin pas ndryshimeve në magnetosferën e tokës – rajoni i hapësirës rreth tokës që dominohet nga fusha magnetike e planetit.
Çrregullimet ndodhin si rezultat i grimcave që rrjedhin nga dielli dhe ndërveprojnë me gazrat në magnetosferë.
Por si ndodhin tingujt? Tingulli që lidhet me Aurora Borealis vjen nga shkarkimet elektrike në lartësi më të ulëta rreth 70 dhe 90 metra.
Kjo ndodh gjatë motit të qetë dhe të kthjellët kur krijohet një shtresë e përmbysjes së temperaturës. Kjo është një shtresë në atmosferë ku ajri ngrohet, në lartësi në vend që të ftohet.
j.l./ dita
