Spanja është finalistja e pare e Europianit pasi mundi në gjysmëfinalen e Mynihut Francën e yjeve të mëdhenj. Pas një fillimi të vrullshëm, ishte Franca ajo që kaloi në avantazh në minutën e 9-të: asist i Mbappe dhe godija e Kolo Muani.
Ishte ky moment kur francezët morën frenat e lojës dhe mund të shënonin edhe më tepër nëse do të ishin më të kujdesshëm.
Por një perlë sportive e Lamin Yamal befasoi Meignan dhe të gjtihë të pranishmit në stadium. Një goditje me 102 km/h nga 22 metra shkoi në rrjetë dhe i çoi shifrat e takimit në 1-1.
Brenda 4 minutave Spanja e sheh veten në avantazh: Një goditje e Olmos devijohet në portë nga mbrojtësi Kounde i Francës dhe iberikët marrin kryesimin e takimit.
Me këto shifra 2-1 mbyllen 45 minutat e para mjaft intensive dhe me shumë emocione e raste.
Në pjesën e dytë ishte vetëm Franca thuajse në fushë, me shumë volum loje por pak raste drejt portës së Unai Simon duke mos rrezikuar.
Skuadra franceze nuk e ka ndryshuar dot rezultatin e pjesës së pare, që çon Spanjën në finalen e madhe të 14 korrikut.
Tashmë Spanja do të presë mbrëmjen e së mërkurës kur do të zhvillohet gjysmëfinalja tjetër mes Anglisë dhe Holandës për të mësuar se me cilën prej tyre do ta diskutojë trofeun e këtij Europiani.
j.l./ dita
