Vijon Forumi i Paqes në Paris.
Sot, Josep Borrell, shefi i diplomacisë evropiane do të zhvillojë takime të ndara me kryeministrin Albin Kurti dhe presidentin e Serbisë Alekasandër Vuçiç. Takimet do të zhvillohen ndarazi.
Albin Kurti dhe Vuçiç ndodhen në Paris dhe po marrin pjesë në Forumin e Paqes, me ftesë të presidentit francez, Emmanuel Macron. Prezente është edhe Presidentja e Kosovës, Vjosa Osmani.
Presidentja Osmani pritet të jetë edhe folëse në këtë forum. Sipas komunikatës së presidencës, Presidentja Osmani do të zhvillojë takime bilaterale me liderë tjerë për të diskutuar thellimin e bashkëpunimit për tejkalimin e sfidave aktuale të paqes dhe sigurisë, por pa dhënë më shumë detaje.
Vetë Kurti është shprehur se mund të ketë takim me Vuçiç me ndërmjetësimin er Macron, por Presidenti i Serbisë e mohoi një gjë të tillë.
j.l./ dita
Takime te ndara padyshim se Amerika e tha prere “Zbatoni marreveshjet ose do keni sanksione me te vertete te renda”