Presidenti turk Rexhep Tajip Erdogan ka paralajmëruar masa të ashpra ndaj të gjithë atyre që ai i cilësoi “injorantë”, që kanë përfituar nga fatkeqësi për të grabitur dyqanet dhe tregjet në zonat e prekura. “Kur të kapen ata që i bëjnë këto abuzime, do të merren masat e duhura”, u shpreh presidenti Erdogan.
Erdogan gjithashtu pranoi “gabimet e bëra” nga qeveria turke “në menaxhimin e fatkeqësisë”. “Është një fakt që ne nuk kemi qenë në gjendje të përgjigjemi aq shpejt saç duhej”, pranoi ai në një nga kampet e ngritura për të mbijetuarit.
Nga ana tjetër, Erdogan u zotua se të gjitha shtëpitë dhe ndërtesat e shembura si pasojë e tërmeteve me magnitudë 7,8 dhe 7,6 do të rindërtohen brenda një viti dhe vetë shteti turk do të marrë përsipër pagesën e qirave të njerëzve të prekur nga tërmetet.
m.b./dita
