Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet dhe Rexhep Selimi me 13 vjet. Katër ish-drejtuesit e UÇK-së u shpallën fajtorë për krime lufte, ndërsa u shpallën të pafajshëm për gjashtë akuzat për krime kundër njerëzimit.
Vendimi i 16 shtatorit është i shkallës së parë dhe, për këtë arsye, procesi juridik nuk përfundon me shqiptimin e dënimeve.
Tashmë vëmendja kalon te Apeli, ku mbrojtja mund të kundërshtojë konstatimet juridike dhe faktike mbi të cilat është mbështetur Trupi Gjykues.
Rasti Gotovina, nga 24 vite burg në pafajësi
Një prej rasteve më të njohura në historinë e Tribunalit Penal Ndërkombëtar për ish-Jugosllavinë, ku një dënim i rëndë u përmbys në Apel, është ai i gjeneralit kroat Ante Gotovina.
Më 15 prill 2011, Trupi Gjykues i Tribunalit të Hagës e dënoi Gotovinën me 24 vjet burgim, pasi e shpalli fajtor për krime kundër njerëzimit dhe shkelje të ligjeve ose zakoneve të luftës të lidhura me operacionin ushtarak kroat “Stuhia” të vitit 1995.
Bashkë me të, gjenerali Mladen Markaç u dënua me 18 vjet burgim, ndërsa Ivan Çermak u shpall i pafajshëm.
Gotovina e nisi procedurën e Apelit një muaj më vonë. Mbrojtja dorëzoi njoftimin për apel më 16 maj 2011 dhe dosjen e Apelit më 1 gusht të atij viti. Seanca e Apelit u zhvillua më 14 maj 2012.
Vendimi përfundimtar erdhi më 16 nëntor 2012.
Pra, nga dënimi i shkallës së parë, më 15 prill 2011, deri te aktgjykimi i Apelit kaluan 19 muaj – një vit e shtatë muaj.
Rezultati ishte krejtësisht i ndryshëm nga ai i shkallës së parë.
Dhoma e Apelit rrëzoi dënimet ndaj Gotovinës dhe Markaçit, i shpalli të dy të pafajshëm dhe urdhëroi lirimin e tyre të menjëhershëm.
Vendimi nuk ishte unanim. Pesë gjyqtarët u ndanë 3 me 2, me gjyqtarët Carmel Agius dhe Fausto Pocar kundër shumicës.
Një çështje qendrore në Apel ishte mënyra se si Trupi Gjykues kishte vlerësuar ligjshmërinë e sulmeve të artilerisë. Shkalla e parë kishte përdorur një standard prej 200 metrash rreth objektivave të identifikuara ushtarake për të vlerësuar goditjet. Dhoma e Apelit konstatoi gabim në këtë qasje dhe, pas rrëzimit të këtij konstatimi, shumica vlerësoi se nuk qëndronin përfundimet mbi të cilat ishte mbështetur përgjegjësia penale e Gotovinës dhe Markaçit.
Rasti Gotovina, megjithatë, nuk përcakton se çfarë do të ndodhë me çështjen Thaçi, Veseli, Selimi dhe Krasniqi. Ai është zhvilluar para një tribunali tjetër dhe mbi një dosje tjetër faktike. Rasti shërben si shembull historik se një aktgjykim i shkallës së parë në drejtësinë penale ndërkombëtare mund të ndryshojë edhe rrënjësisht gjatë shqyrtimit në Apel.
Ante Gotovina dhe gjeneral tjerë kroatë kurrë nuk u sulmuan dhe akuzuan nga kroatët dhe shteti Kroat por nga serbët dhe të votonte rezolutë në P.Europian me kërkes të deputetëve rus ashtu si votoi qeveria Berisha 2 dhe që nga aty filloi trysnia EU USA
Krerët e UÇK që në fillimet e para e deri mëtani sulmohen 24 orë ma shumë nga shqiptarët se sa nga serbët 80% e Kosovës i patën këthy shpinën luftës dhe ky 80% mund të them se edhe 20 % e serbëve kanë vlerësim për UÇK si faktorë që Ballkani të mos bëhej lindja e mesme e dytë
Po Bordi i Paqes dhe miiqesia e madhe me familjen Trump se ciles po i japim ishullin tone ushtarak prej mijera vitesh nuk bejne dot gje?
Edhe pse ky vendim eshte i padrejte dhe na ka thyer zemren,nuk duhet te ndalojme se kerkuari te verteten ne shkallen e apelit;sigurisht qe ka shprese,pasi vendimi fillestar eshte i kundershtueshem nga cdo kendveshtrim.Ai deshton te lidhe keta individe te caktuar me veprime konkrete,duke u mbeshtetur ne pergjithesime dhe duke u atribuar atyre qellim kriminal-sipas kesaj llogjike,i gjithe populli qe i mbeshteti dhe i mbeshtet duhet te burgoset se mbeshtetja e tyre mund t’i sherbeje qellimit te tyre kriminal ne baze te vendimit.Deshmite e gjeneraleve amerikane-te cilet ishin deshmitare okulare te situates ne terren dhe te veprimeve te krereve te Ushtrise Clirimtare -u shperfillen me preteksin se ata’nuk dinin’,ndersa prokuroret dhe gjykatesit-duke vepruar kaq vite me vone dhe krejtesisht te shkeputur nga vendi dhe koha e ngjarjeve-pretendojne se dine me mire.Ngjarjet shkeputen nga rrethanat e kohes;behet fjale per lufte dhe anarki,jo per kushte normale jetese-dhe pa dyshim do kete dhe gjetje te tjera qe do dalin ne pah nga studimi i vendimit qe mund te kundershtohen me argumente.Duhet te jemi te bashkuar te gjithe shqiptaret;humbem nje beteje ligjore,jo luften,dhe nuk kemi te drejte te gjunjezohemi dhe te humbasim shpresen.Ne fund e verteta do dale ne shesh-ashtu sic erdhi liria per Kosoven,ndonese me vonese,por me ne fund erdhi.
Ante Gotovina ka qene nje pordh me hic ne krahasim me oficeret e larte shqiptare qe sherbenin athere ne ushtrine kroate.
Gotovina ishte me verte nje kriminel qe bee spastrime etnike te pastra ok nuk diskutohet pasi serbet kishin filluar shume me eheret me keto gjera.
Ne rastin Taci & Co jane problemet dhe qellimet e denimeve komplet te ndryshe dhe skane te bejne frae me Gotovinen.