Kërkesat e shqiptarëve për azil kanë rënë, në vitin 2024. Të dhënat e Eurostat, tregojnë se 6.8 mijë shtetas kërkuan mbrojtje ndërkombëtare në vendet e BE-së. Shifrat raportojnë një rënie me 21%, nga 2023, e madje shifra më e ulët në një dekadë.
Raporti tregon të dhënat për 11 muajt e vitit të lamë pas. Franca vijon të jetë destinacioni kryesor i azilantëve. Ishin 2100 shtetas që kërkuan mbrojtje ndërkombëtare në shtetin francez në 11 muajt e vitit, duke përbërë 31% të totalit të aplikimeve për në vendet e BE-së. Italia renditet e dyta me 1735 aplikime, ose 26% të totalit. E treta është Gjermania, me 1355 kërkesa, ose 20% të totalit. Shteti i katërt është Greqia, me 940 aplikime. Më pas renditen Belgjika (335) dhe Irlanda (165).
Për shumë shtetas nga vende të ndryshme të botës, azili nuk është më shpresa e tyre për një jetë më të mirë. Shifrat tregojnë rënie dhe në raport me vendet e tjera,
Në nëntor 2024, 75 045 aplikantë për azil për herë të parë (shtetas jo të BE-së) aplikuan për mbrojtje ndërkombëtare në vendet e BE-së, duke shënuar një rënie prej 14% krahasuar me tetorin 2024 (86 920) dhe një rënie prej 31% krahasuar me nëntorin 2023 (108 895).
Sirianët mbeten grupi më i madh i azilkërkuesve
Në nëntor 2024, sirianët mbetën grupi më i madh i njerëzve që kërkonin azil (11 565 aplikantë për herë të parë), të ndjekur nga venezuelianët (7 210) dhe afganët (5 880).
Gjithsej 2 820 të mitur të pashoqëruar aplikuan për azil për herë të parë në BE, ku shumica e tyre vinin nga Siria (860), Egjipti (395) dhe Afganistani (385).
Gjermania, Spanja, Italia dhe Franca morën 73% të aplikantëve për herë të parë Gjermania (16 820), Spanja (14 925), Italia (11 620) dhe Franca (11 345) vazhduan të marrin numrin më të madh të aplikantëve për herë të parë për azil, duke përbërë 73% të të gjithë aplikantëve për herë të parë në BE.
i.b./dita
