Ditën e sotme nis aplikimi për lotarinë amerikane.
Qytetarët shqiptarë mund të aplikojnë për Programin DV-2024, e cila fillon prej mesditës së sotme.
Në njoftimin e ambasadës amerikane në Tiranë, sqarohet se aplikimet për lotarinë do të përfundojnë në datën 8 nëntor 2022 në orën 18:00.
Njoftimi i Ambasadës:
Regjistrimi elektronik për lotarinë DV-2024 do të rifillojë të mërkurën, më 5 tetor 2022 në mesditë 12:00, Ora Ditore Lindore (EDT) (GMT-4) dhe do të mbyllet të martën, më 8 nëntor 2022, në mesditë 12:00 Ora Standarte Lindore (EST)(GMT-5).
- DV-2024 Udhëzimet në Anglisht (PDF 339 KB)
- DV-2024 Udhëzimet në Shqip (PDF 410 KB)
Shikoni këtë faqe për një vështrim të përgjithshëm të programit të Vizave të Shumëllojshmërisë, si dhe udhëzimet hap pas hapi për t’ju ndihmuar se si të plotësoni një aplikim për t’u regjistruar për Lotarinë. Aplikantët mund të kryejnë aplikimin elektronik në faqen zyrtare të E-DV, gjatë periudhës së regjistrimit. Udhëzimet e DV janë gjithashtu në dispozicion në faqen e internetit të Departamentit të Shtetit.
Për të parë nëse janë përzgjedhur, të regjistruarit do të mund të përdorin numrin e tyre unik të konfirmimit të dhënë në regjistrim duke kontrolluar online Kontrollin e Statusit të Regjistruarve në faqen zyrtare të E-DV-së. Kontrolli i Statusit të të Regjistruarve do të informojë pjesëmarrësit e përzgjedhur se si të aplikojnë për vizën e Lotarisë për veten e tyre dhe anëtarët e familjes së tyre. Të përzgjedhurit do të mund të mësojnë datën e tyre të intervistës për vizë duke hyrë tek Kontrolli i Statusit të të Regjistruarve.
j.l./ dita
O SHBA Imperialisto-Kapitaliste:
Mos e harxhoni fyromen kot se koti me shqyptaret dru me pre sepse jane fanatike te Partise se Punes, keta fanatike qe nuk i gjen ne asnje vend tjeter ne Bote nuk hane fare pyka llogjike me “enderra amerikone” dhe duan te kthejne e implementojne Kohen e Qepes te Enverit me tollona dhe bunkere jo vetem ne Shqypni por edhe kur te vine ne SHBA me ftesat tuaja jeshile bujare qe u dergoni cdo vit papushim, ne menyre qe komunizmi enverist te fitoje ne gjithe Boten perfundimisht. Komentet dhe replikat e fanatikeve te Enverit ne gazeten DITA nuk lene asnje dyshim per kete.
Nuk pergenjeshtrohesh kurre
Trap ngele
Endrra amerikane qe enderruam per Shqiperine na doli ne realitet nje nightmare. Keto endrrat per karta boje bari jane pune boshe.
I pafsha ne Amerike te gjithe ata qe me urrejne. E kam nga zemra….