Bashkimi Europian po përjeton nivelin më të lartë të besimit nga qytetarët e saj që prej vitit 2007, sipas Eurobarometrit Standard për Pranverën 2025, i publikuar të mërkurën.
Sondazhi përfshin edhe vendet e Ballkanit Perëndimor, ku rezultatet tregojnë kontraste të forta: Mal i Zi dhe Shqipëria shënojnë nivelet më të larta të besimit ndaj BE-së, ndërsa Serbia renditet në fund të listës.
Sondazhet u zhvilluan në secilin vend gjatë muajve mars dhe prill 2025. Sipas rezultateve, 52% e qytetarëve të BE-së priren t’i besojnë BE-së, niveli më i lartë që nga viti 2007.
Ndërkohë, 43% e qytetarëve të BE-së kanë një imazh pozitiv për BE-në, ndërsa 38% kanë një imazh neutral dhe 18% një imazh negativ. Po ashtu, 62% e qytetarëve të BE-së janë optimistë për të ardhmen e BE-së.
Kur bëhet fjalë për Ballkanin Perëndimor, 83% e qytetarëve të Malit të Zi priren t’i besojnë BE-së, ndërsa 17% priren të mos i besojnë. Qytetarët e Shqipërisë dhe Kosovës gjithashtu tregojnë një nivel të lartë besimi ndaj BE-së – përkatësisht 80% dhe 79%.
Besimi në BE është më i ulët në Maqedoninë e Veriut dhe në Bosnje – Hercegovinë, por sërish qëndron mbi 50%. Në Maqedoninë e Veriut, 54% e qytetarëve thonë se priren t’i besojnë BE-së, ndërsa 42% priren të mos i besojnë. Në Bosnje – Hercegovinë, 58% besojnë në BE dhe 37% nuk i besojnë.
Në Serbi, nga ana tjetër, vetëm një pakicë e popullsisë ka besim në BE – 37%, ndërsa 57% thonë se priren të mos i besojnë.
Sa i përket anëtarësimit në BE, situata në rajon është e ngjashme. Më shumë se 80% e qytetarëve të Malit të Zi dhe Shqipërisë besojnë se anëtarësimi do të ishte një gjë e mirë.
Në Maqedoninë e Veriut dhe Bosnje – Hercegovinë, kjo përqindje është mes 50% dhe 60%, ndërsa në Serbi, vetëm 34% e qytetarëve mendojnë se anëtarësimi do të ishte i mirë, ndërsa 32% besojnë se do të ishte një gjë e keqe.
Qytetarëve të BE-së iu drejtua pyetja nëse do të mbështesnin “zgjerimin e BE-së për të përfshirë vende të tjera në vitet e ardhshme”. Në të gjithë BE-në, 54% e qytetarëve e mbështesin këtë politikë, ndërsa 39% janë kundër.
Zgjerimi i BE-së gëzon mbështetje shumicë në shumicën e shteteve anëtare, por shumica e qytetarëve të Gjermanisë dhe Austrisë e kundërshtojnë atë. Në të dy vendet, 42% e qytetarëve janë pro zgjerimit, ndërsa 53% janë kundër.
Në Francë, 41% e qytetarëve janë pro zgjerimit dhe 49% janë kundër, megjithëse numri i kundërshtarëve ka rënë krahasuar me Eurobarometrin e mëparshëm.
j.l./ dita
Nuk besoj hic te BE. Me ksoj sondazhesh e qorrollepsi Berishen,,vajti u fut si derri n`thes.
Kush e financon kete Barometrin, Ursula Derr Leyen? Jane katandisur si Komiteti Qendror i Partise se punes ne kohen e monizmit, kur perralliste Shqiptaret per frymen e larte revolucionare ne vend.
Phoenix, me trego ku ha buke ne keto momente, te te theme nje fjale serioze! Me kete do te peshoje mendjen , jo trurin dhe filozofine tende mendore qe me sa duket vlen per te ardhur keq ne se je nje intelektual modest dhe per tu perçenduar ne qoftese se futesh e diskuton kur nuk merr vesh per keto probleme. Jeni ber si …nuk desha ta theme, por mbreti vdekur ne maje kalit qe jep fryme te gjalleve!
Kushtet e imponuara nga konfliktet aktuale, Rusi-Ukraine dhe Izraeli me disa vende arabe,te qytetaret evropiane eshte rritur besimi dhe do te jete gjithmone ne rritje per BE.Nje Evrope e bashkuar eshte me e fuqishme se nje Evrope skeptike.
Si leckamani që do të ulet në sofrën e zengjinit.
Sa i zgjuar qenke more komentuesi fjala sa arrinke te vlersosh te tjeret ! Me siguri qe dhe Rama per keto cilesi qe ke te mban per sherbetor !