Mungesa e reshjeve të dendura të shiut në Shkodër duket se e ka përmirësuar disi situatën. Edhe pse nga raportimet e fundit të bashkisë bëhet me dije se 1365 hektarë tokë janë nën pushtetin e ujit.
Afro 70 persona janë evakuuar pas përmbytjes së shtëpive, ndërsa hidrometri I Liqenit shënon kuotën 7.98 metra, kurse hidrometri I Lumit Drin është ulur në nivelin 5.80 metra.
Situate më problematike paraqitet në zonën e nën-Shkodrës, ku në njësinë administrative Ana e Malit, sipërfaqja e tokës bujqësore e përmbytur vlerësohet në 850 Ha, kryesisht në fshatrat Obot, Muriqan,Oblikë
Në rrugën e Obotit ka prezencë uji 60 cm dhe është e kalueshme vetëm me mjetet e ushtrisë.
Ujësjellësi Oblika 1 dhe 2, si pasojë e përmbytjeve është jashtë funksionit.
Po ashtu Sipërfaqja e tokës bujqësore e përmbytur në njësinë administrative Dajç vlerësohet në 100 Ha, kryesisht në fshatrat Mushan, Shirq, Pentar.
Edhe në Velipojë dhe Gurë të Zi ka prezencë uji në tokat bujqësore me sipërfaqe të përbashkët 285 ha.
Në Bërdicë, sipërfaqja e tokës bujqësore e përmbytur vlerësohet në 200 Ha, konkretisht në fshatin Trush.
Në këto fshatra janë evakuuar 16 familje si dhe 43 persona janë akomoduar në konviktin e qytetit.
Ndërsa në Lezhë, situata problematike në fshatin Zojs, ku lumi Gjadër kishte dalë nga shtrati është përmirësuar ndjeshëm.
