Gjyqtari amerikan dhe ylli i mediave sociale, Frank Caprio, ka vdekur në moshën 88-vjeçare, kanë bërë të ditur familjarët e tij, raporton BBC.
Vdekja e tij, pas një diagnoze me kancer në pankreas, u njoftua në llogarinë e tij zyrtare në Instagram, ku ai u përkujtua për “ngrohtësinë” dhe “besimin e palëkundur në mirësinë e njerëzve”.
David Caprio, djali i tij, falënderoi fansat për dashurinë dhe përkrahjen dhe i nxiti njerëzit të “përhapin pak mirësi” në kujtim të babait të tij.
I dashur për dhembshurinë dhe humorin në sallën e gjyqit, videot e gjyqtarit Caprio duke kryesuar rastet në emisionin e tij të suksesshëm Caught in Providence kanë pasur miliarda shikime në rrjete sociale, duke i fituar atij titullin “gjyqtari më i mirë në botë”.
Në një deklaratë në Instagram për 3.4 milionë ndjekësit e tij, gjyqtari Caprio u përkujtua për “veprat pafund të mirësisë që ai frymëzoi”.
“Ngrohtësia, humori dhe mirësia e tij lanë një gjurmë të pashlyeshme tek të gjithë ata që e njohën”- thuhej në deklaratë.
Gjyqtari Caprio kishte kryesuar mijëra raste në qytetin e tij të lindjes, Providence, Rhode Island, përpara se të niste një karrierë televizive.
Kompania pas Caught in Providence, Debmar-Mercury, i bëri homazh gjyqtarit Caprio për “markën e tij unike të dhembshurisë dhe qasjes me sens të shëndoshë”.
“Do të na mungojë shumë”- thanë në një deklaratë bashkë-presidentët Mort Marcus dhe Ira Bernstein.
Gjatë transmetimit të tij, Caught in Providence u nominua për tre çmime Daytime Emmy, me gjyqtarin Caprio që fitoi dy nominime personale vitin e kaluar.
Stili i tij karakteristik në gjykatë prodhoi klipe virale që varionin nga ftesat e fëmijëve për të qëndruar me të pas bankës së gjykatës, deri te shpallja e një lodre “mini-gjyqtar” në formën e tij.
Një video në TikTok që tregonte rutinën e tij të mëngjesit, larja e dhëmbëve, nënshkrimi i librit të tij dhe shikimi i videove të emisionit të tij, ka pasur mbi 5 milionë shikime.
Në një intervistë të vitit 2019, gjyqtari Caprio tha se seancat e tij gjyqësore “tregojnë një copëz të jetës në Rhode Island që është shumë interesante dhe pasqyron të njëjtat çështje që njerëzit po përjetojnë në mbarë vendin”.
Pas diagnostikimit me kancer në pankreas në vitin 2023, gjyqtari Caprio tha se ishte “plotësisht i përgatitur të luftojë sa më shumë që mundet” dhe falënderoi ndjekësit për mbështetjen.
Në njërin nga postimet e tij të fundit në rrjete sociale, gjyqtari Caprio njoftoi se ishte rikthyer në spital pas një “pengese” në trajtimin e tij dhe kërkoi lutjet e ndjekësve.
Gjyqtari Caprio lë pas bashkëshorten, Joyce Caprio, me të cilën ishte i martuar për gati 60 vjet, pesë fëmijët e tyre, shtatë nipër e mbesa dhe dy stërnipër.
j.l./ dita
Dëgjofshim lajme për njërëz të mirë në veprimtarinë e tyre kur janë në jetë! U prehtë në paqe!
RIP Mr. Caprio! Keni qene gjithmone i ndershem dhe i drejte, i keni sherbyer Drejtesise me devotshmeri sinqeritet dhe pasion! ZOTI ju’a shperblefte ne qiell, gjithe miresine qe ju treguat ne toke.
E kam njohur kte gjykates ne rastin e gjykimit te nje babai 96 vjecar i cili akuzohej per shkelje te rregullave te qarkullimit rrugor ne afersi te nje shkolle (school zone) ku ky baba 96 vjecar, dergonte ne spital per analizat e gjakut djalin e tij 63 vjec me sindromen “down”.
Mr. Caprio e shpalli kte baba 96 vjecar “Not Guilty” dhe e lavderoi per punen e mire qe bente akoma si prind edhe pse vete ai ishte ne moshe te thyer!
Kjo ngjarje qarkullon ende ne YT, (mjafton ta kerkoni me fjalet kyce – judgment Caprio and old Father etj te ngjashme )
Ngushullime families dhe miqëve. Gjykatës të till, pushofshin në parajs.Amen🙏
A po na thoni se saliu do te ndroje jete ne moshen88 vjecare! ruana o Zot!
Kjo ska lidhje me Saliun, por Saliu do ti kaperceje te 100-tat. Sa me shume te roje aq me teper do ti dale boja, aq me teper do tju neveritet njerezve.
Saliu paste jete te gjate marrte perpara Ramen me shoke.
Saliu per moshen,eshte lojtari me energjik ne politike dhe do ta haje Ramen me Jete.Koleget e bllohut i hengri te gjithe,nga Sabit Brrokaj te Isuf Kalo.Edhe ata qe i hapen rrugen e pushtetit absolut ne PD,nga Gramoz Pashko Zhulali,Arbnori,Poni,Gazidede,,qe ju ka dale bari me kohe.