Universiteti i Harvardit të enjten kundërshtoi në gjykatë ndalimin e udhëtimit të studentëve të rinj nga Presidenti Donald Trump. Sipas Universitetit kjo nuk është përpjekja e parë e administratës për të ndërprerë lidhjet e Harvardit me studentët e saj ndërkombëtarë. Ata theksojnë se kjo është një fushatë e koordinuar hakmarrjeje, që arrin kulmin.
Presidenti amerikan, Donald Trump njoftoi të mërkurën e kaluar në mbrëmje se e konsideron të domosdoshme të kufizojë hyrjen e të huajve për të studiuar në Harvard me qëllim mbrojtjen e sigurisë kombëtare.
Kjo masë zyrtarisht ka efekt të menjëhershëm kundër shtetasve të huajve që synojnë të vijnë në Shtetet e Bashkuara për të marrë pjesë, ekskluzivisht ose në një pjesë të madhe, në programe studimi në Universitetin e Harvardit. Fillimisht është për një periudhë gjashtëmujore, e rinovueshme, shtoi ai në dokumentin e publikuar nga shërbimet e tij në Shtëpinë e Bardhë.
Në fund të majit, administrata Trump tashmë u përpoq të ndalonte Harvardin të regjistronte studentë të huaj, duke tërhequr certifikimin SEVIS (Student and Exchange Visitor) nga institucioni, me fjalë të tjera, duke e përjashtuar atë nga programi kryesor për pritjen ose shkëmbimin e studentëve në Shtetet e Bashkuara.
Universiteti e kundërshtoi këtë masë duke iu drejtuar një gjykate federale në Massachusetts, duke siguruar një pezullim të zbatimit të saj. Dje, Harvard shtoi ankesën e tij të re kundër administratës Trump në dosjen e çështjes së tij që tashmë po shqyrtohet nga gjyqësori amerikan. Rreth 6,700 studentë nga jashtë studiuan në Harvard këtë vit. Kjo është 27% e totalit.
j.l./ dita
