7 punonjës të Kadastrës së Tiranës janë pezulluar nga detyra për shkak se akuzohen për tjetërsim pronash.
Ishin dy vëllezërit Elvis dhe Endri Turtulli me anë të mashtrimit dhe korruptimit të punonjësve të Kadastrës së Tiranës kanë arritur që të marrin në pronësi të tyre një objekt 4 katësh (që sot është hotel) dhe që më parë ishte në pronësi të nënës së tyre. Po ashtu ata akuzohen për tjetërsim edhe të një një trualli pranë Gjykatës së Lartë.
Në përfundim të hetimeve, 2 vëllezërve iu caktua masa e sigurisë ‘detyrim paraqitje’, teksa u pezulluan nga detyra 7 punonjës të Kadastrës (Erjona Pemaj, Klajdi Dervishi Genc Tufi, Elsa Sherja, Briseida Baraj, Anisa Caka)
Mësohet se denoncimi ka ardhur nga gruaja V.K, e cila është mashtruar duke u zhveshur dhe duke iu tjetërsuar prona Hotel, e ndodhur në adresën: Rruga “Reshit Çollaku” nr.1001 Tiranë.
Mësohet se 2 vëllezër, pronën e babait që e kishte ndërtuar në 1995, ia kanë marrë nga pronësia nënës dhe e kanë kaluar në emër të tyre me anë të mashtrimit dhe korruptimit të punonjësve të Kadastrës së Tiranës.
Në bazë të deklarimeve të rrema të djemve, objekti është legalizuar më 5.10.2015 dhe janë pajisur me certifikatën e pronësisë 2 djemve, Elvis dhe Endri Turtulli duke zhveshur nga pronësia nënën e tyre V.K në një kohë që ky objekt me Vendim Gjykate i kishte kaluar asaj në pronësi.
Dy djemtë kanë deklaruar që është hoteli është ndërtuar në 1998, kur mosha e tyre ka qenë njëri 18 dhe 16 vjeç, mirëpo nëna e ka hedhur poshtë duke sqaruar se godina është ndërtuar në 1995 dhe se ka qenë i pajisur me certifikatë pronësie nga hipoteka në emër të ish-bashkëshortit, B. T.
“Në lidhje me dokumentet e pronësisë mbi objektin, kallëzuesja deklaron se është zhdukur nga djemtë e saj në hipotekën e Tiranës. Në fund të vitit 1998 ajo është divorcuar nga bashkëshorti i saj, shtetasi Beqir Qzim Turtulli”, ka thënë ajo.
o.j/dita
