Vladimir Putin shprehu besimin e tij se Rusia do të dalë fitimtare nga lufta që i shpalli në shkurt të vitit 2022 Ukrainës, duke folur nëpërmjet një lidhjeje video me gruan e një ushtari rus që lufton në front.
“Do të doja t’ju kërkoja t’i përcillni urimet e mia më të mira burrit tuaj dhe shokëve të tij. Ne të gjithë u urojmë atyre suksese dhe fitore, dhe jam i sigurt se kjo do të ndodhë”, tha presidenti rus gjatë një eventi për qendrat rinore në Rusi.
Ndërkohë, dy persona u vranë dhe të paktën 14 u plagosën kur një dron rus u rrëzua në një ndërtesë të lartë apartamentesh në Odessa të Ukrainës, në Detin e Zi, thanë sot autoritetet.
Sipas guvernatorit rajonal Oleh Kiper, tre fëmijë ishin midis të plagosurve në sulmin e natës, me njërin prej tyre në gjendje kritike për jetën.
Rusia ka rritur sulmet me dronë dhe raketa në qytetet ukrainase në javët e fundit, ndërsa përpjekjet diplomatike për t’i dhënë fund luftës kanë dështuar.
i.b./dita
Ne vitin 2032 pas 10 vite lufte ne Ukraine,vdiq Presidenti rus.Vladimir Vladimirovic Putin.Thone se vdiq nga hidherimi qe nuk e fitoi dot luften 10 vjecare.
Ne mendjen e tij eshte rrenjosur ideja e nje diktatori se eshte me e rendesishme FITORJA se sa PAQA. Nga kjo ide u varrosen dhe u demtuan fizikisht plot nje milion ushtare e oficere rus deri tani. Rusia, me luften ne Ukraine, po demtohet çdo dite ne ekonomi, ne finance, ne izolimin nga shtetet e zhvilluara perendimore nga ku ka pasur vetem perfitime.