Një 28-vjeçar është vënë në pranga pas një konflikti në aksin Gjepalaj-Shijak, gjatë të cilit kërcënoi me armë zjarri dy persona.
Bëhet fjalë për Fabian Callikun, i cili është konfliktuar për motive të dobëta me shtetasin E. Z., 29 vjeç dhe një 17-vjeçar. Pasi i ka kanosur me armë zjarri ai është larguar nga vendi i ngjarjes, por u lokalizua dhe u vu në pranga nga shërbimet e Policisë.
Gjatë veprimeve, Policia ka gjetur armën e zjarrit të cilën ky shtetas e kishte hedhur pas konfliktit si dhe automjetin me të cilin ky shtetas u largua nga vendi i ngjarjes.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
i.b./dita
