Administrata amerikane ka urdhëruar ndalimin e përkohshëm të intervistave për vizat studentore në të gjitha ambasadat apo onsullatat e Shteteve të Bashkuara.
Sipas një kabllogrami të datës 27 maj 2025, të nënshkruar nga Sekretari amerikan i Shtetit, Marco Rubio, të gjitha ambasadat dhe seksionet konsullore amerikane janë udhëzuar të mos caktojnë intervista të reja për vizat e kategorive F, që lidhen me studentët akademikë që synojnë të studiojnë në SHBA, vizat e kategorisë M, që lidhen me studentët profesional, dhe vizat e tipit J, që përfshijnë shkëmbimet kulturore.
Vendimi ka hyrë në fuqi menjëherë dhe është pjesë e përgatitjeve për një regjim të ri verifikimi, i cili fokusohet tek përmbajtja që aplikantët publikojnë në platformat si Facebook, Instagram, X dhe TikTok.
Në dokumentin zyrtar nuk specifikohen qartë kriteret se çfarë mund të cilësohet si përmbajtje e papërshtatshme, por përmenden shqetësimet për sigurinë kombëtare dhe luftimin e antisemitizmit.
Kjo mungesë qartësie ka ngjallur shqetësime brenda vetë Departamentit të Shtetit dhe në mesin e institucioneve të arsimit të lartë, të cilat paralajmërojnë se masa të tilla mund të kenë pasoja të rënda për procesin e regjistrimeve dhe për stabilitetin financiar të universiteteve amerikane.
Shoqata Amerikane e Edukatorëve Ndërkombëtarë (NAFSA) e ka dënuar vendimin, duke e cilësuar si të padrejtë dhe të dëmshëm për një komunitet që kontribuon ndjeshëm në zhvillimin akademik dhe ekonomik të vendit. Ndërkohë, komuniteti akademik amerikan shpreh frikën se studentët ndërkombëtarë po trajtohen si kërcënim, ndërsa universitetet si terren politik për betejat ideologjike të administratës.
Udhëzime të mëtejshme pritet të publikohen në ditët në vijim, ndërsa procesi i pajisjes me viza studentore mbetet i pezulluar pa një afat të caktuar.
Ky vendim i administratës Trump prek dhe studentët nga Shqipëria dhe Kosova që synojnë arsimimin në SHBA.
Ka te drejte.Zemergjeresia e Amerikes,po shfrytezohet nga ca rrufjane politike,qe korruptojne Ameriken.
S`ka me Qorra.
Vien Ti ne Amerike,nje hicmoskushi dhe shan mbare e prape,Kandidatin per President te Amerikes,i zgjedhur 2 here president me vote te lire dhe te ndershme,.Po sado tolerant te jete,sado ta doje dhenderushin cifut,Sa do veten,nuk do as dhendrin as Sazanin me gjithe Zvernec. Nje Rrufjan politik i nje vendi mikroskopik,qe mezi duket ne harten e Botes,,korrupton Agjencine me te Famshme te Botes FBI Amerikane.Ptuuuuu!Dordolec me atlete!Po Papa i Romes te ishte Trumpi,Ti nuk shkel me ne Amerike.
Te shohim sa do e mbaj inatin.Dje kishte derguar nje sekretar ne Ambasade ti thoshte Lyderit te pamposhtur,se nuk i tolerojme vjedhesit e Zgjedhjeve.