Vedat Muriqi zhbllokoi ndeshjen Mallorca-Valencia, teksa pjesa e parë përfundoi në barazim pa gola. Me këtë rezultat 1-0 u mbyll i gjithë takimi, duke rrezikuar pozitat e valencianëve për rënie dhe siguruar mbijetesën e ishullorëve. Mallorca ndodhet në kuotën e 47 pikëve dhe qëndron në La Liga sezonin e ardhshëm, kurse Valencia ndodhet 2 pikë larg vendit të rënies dhe i duhet fitore ndeshjen e radhës.
Ndërkohë, sulmuesi dardan kaloi skuadrën ishullore në avantazh në minutën e 64′ falë një goli me kokë, specialitet i tij. Muriqi shfrytëzoi një krosim nga e majta të koreanit Kang-In Lee dhe dërgoi topin në rrjetën kundërshtare, duke ndezur festën në stadium. Ky është goli numër 14 sezonal në La Liga për 29-vjeçarin nga Prizreni. I cili ka rilindur në Spanjë dhe po zhvillon sezonin më të mirë në aspektin personal.
