Marrëdhënia midis dy reperave të njohur shqiptarë, Noizy dhe Stresi me sa duket është rregulluar. Kjo gjë u dëshmua dhe në koncertin e mbrëmshëm të Noizy-it që u mbajt në Tiranë.
Ata u shfaqën së bashku duke u përqafuar nën brohorimat e fansave në koncertin “The alpha Show”. Të dy sëbashku përformuan në skenën e ngritur në sheshin “Nënë Tereza” këngën hit të Stresit “Lambo” dhe këngë të tjera nga repertori i tij.
Ndërkohë, reperi Arkimed Lushaj i njohur me emrin e artit si Stresi deklaroi para publikut se sherri që i largoi ata të dy për shumë vite kishte ndodhur pikërisht në këtë shesh.
“13 vite më parë po tek ky shesh këtu jemi zënë për herë të parë dhe po tek ky shesh sot këtu jemi më të fortë se kurrë”, u shpreh Stresi.
Ndërsa, kujtojmë se para një viti dy reperët i dhanë fund zënkave të tyre dhe tashmë janë dy shokë të mirë dhe mbështetës të njëri- tjetrit, të paktën është ajo ç’ka përcillet nga postimet në rrjetet sociale.
j.l./ dita
