Operatorët turistikë ‘të frikësuar’ në Indonezi, në kodin penal parashikohet burg për seks jashtë martese

Operatorët turistikë në Indonezi janë ende duke u përpjekur të marrin veten nga efektet e pandemisë së Covid-19.

Por tani ata po përballen me një tjetër frikë atë të ndryshimeve në kodin penal që pritet t’i largojë turistët e huaj.

Sipas kodit të ri penal kryerja e marrëdhënieve seksuale jashtë martese është e jashtëligjshme dhe dënohet deri në 1 vit burg. Po ashtu, ndalohet bashkëjetesa para martesës dhe parashikohet një dënim prej 6 muaj burg për të gjithë ata që e shkelin atë. Por si e presin këtë vendim turistët?

“Erdha në Bali për të shijuar këtë ishull me të dashurën time. Nëse nuk mund të rri me të në hotel do ta mendoja dy herë për të ardhur këtu”, ka thënë një turist.

Ndryshimet në kodin penal jo vetëm që kanë alarmuar avokatët e të drejtave të njeriut, por edhe investitorët .

“Po jam i shqetësuar .Kam investuar dhe do të investoj në Bali. Nëse ata aplikojnë këto ligje në Bali në këtë parajsë atëherë turistët do të tkurren”.

Mijëra turistë udhëtojnë për në ishullin tropikal të Balit çdo muaj për t’u shijuar klimën e ngrohtë,për tu dëfryer dhe për të shijuar plazhet e mrekullueshme.

o.j/dita