Me dhjetëra mijëra vetë zbritën në rrugët e Hagës me thirrjet që qeveria holandeze të mos mbetet një kundruese pasive e konfliktit, për të kalojë në veprime konkrete për ndalimin e fushatës së Izraelit në Gaza.
“Pjesëmarrja ime në këtë demonstratë është kundër genocidit në Gaza dhe kundër bashkëfajësisë holandeze në të. Holanda ende furnizon pjesë të F-35-save dhe refuzon me vendosmëri të dënojë veprimet e Izraelit“, u shpreh protestuesi Rick Timmermans.
“Qeveria duhet të dëgjojë zërin e njerëzve. Unë e di që ata brenda koalicionit mund të mos jenë të gjithë dakord, por ajo që po ndodh me Izraelin është e papranueshme“, u shpreh Renske Schipman, menaxher projekti.
Marshuesit kaluan pranë Pallatit të Paqes, selisë së Gjykatës Ndërkombëtare të Drejtësisë të Kombeve të Bashkuara, ku vitin e kaluar gjyqtarët urdhëruan Izraelin të bënte gjithçka që mundej për të parandaluar vdekjen, shkatërrimin dhe çdo akt gjenocidi në Gaza. Ata përshkuan një unazë prej 5 kilometrash rreth qendrës së qytetit të Hagës, për të krijuar kështu në mënyrë simbolike vijën e kuqe që thonë se qeveria nuk ka arritur ta vendosë.
i.b./dita
Hamas liro pengjet!Nqs jane aq te shtrenjte sa te kompensojne zhdukjen e Gazes, Zhduku!Nuk ta ka fajin Izraeli.
Nato spaske marr ilaçet sot. Ata kan vrarë mijëra shkatrrim total genocid ti flet prralla për 10 pengje