Shumëkush mund të ketë ëndërruar të punojë nga plazhi dhe t’u përgjigjet email-eve të punës nga shezlongu, por tashmë kjo është një realitet.
Nga qytetet plot zhurmë e deri tek ato të qetat, Evropa ka një gamë qytetesh të ndryshme bregdetare për të zgjedhur.
Rrjeti prestigjoz televiziv “Euronews” ka listuar destinacionet më të mira për nomadët digjitalë të Evropës e mes tyre renditet edhe qyteti i Shkodrës.
I pozicionuar mes Detit Adriatik dhe Alpeve të veriut , Shkodra është qyteti më i madh në Shqipërinë veriperëndimore dhe një nga më të vjetrit në vend.
Ndërsa shumë zgjedhin të shkojnë drejt kryeqytetit Tiranë, ritmi i jetës në Shkodër është shumë më i qetë. Qyteti është i njohur për traditën e përdorimit të biçikletave në vend të makinave ndërsa kostoja e jetesës është mjaft e lirë.
Një apartament me hapësirë dhe pamje të mirë sipas “Euronews” mund të kushtojë vetëm 200 euro.
Shkodra ka 14 parqe kombëtare dhe 450 km vijë bregdetare, kështu që nomadët digjitalë do ta gjejnë veten më afër se kurrë detit dhe maleve.
Për ata që duan të vizitojnë një shtet më shumë në aventurën e tyre si nomadë , Shkodra është idealja për ta bërë këtë pasi Mal i Zi është vetëm 30 minuta larg me makinë.
