Veteranët e UÇK, të cilët janë duke protestuar para Kuvendit të Kosovës, kanë thyer kordonin e policisë dhe kanë depërtuar në oborrin e Kuvendit.
Ndërkohë është dëgjuar një krismë dhe nuk dihet se çfarë ishte, raportojnë mediat kosovare.
Pjesëtarët e Njësisë Speciale të Kosovës janë rreshtuar para derës së Kuvendit të Kosovës.
Protesta e sotme në orën 09:30 ishte paralajmëruar nga ana e OVL e UÇK, pasi po kërkojnë që pensioni për veteranët e UÇK-së të përfshihet në Ligjin për pagat.
Sekretari Organizativ i OVL e UÇK-së, Faton Klinaku u ka bërë thirrje protestuesve që të mos krijojnë probleme.
j.l./ dita
