Aktorja italiane Gina Lollobrigida ka ndërruar jetë në moshën 95-vjeçare.
Gina fitoi famë midis viteve 1950 dhe 1960 shpesh është cilësuar si gruaja më e bukur në botë.
Lollobrigida, e cila njihej thjesht si “La Lollo”, ishte mishërim i kinemasë italiane të pasluftës.
Në vitin 1950 ajo u martua me mjekun Milko Skofiç, i cili u bë menaxheri i saj.
Ata u ndanë pas gati 17 vitesh dhe aktorja italiane u shpreh më vonë se nuk kishte ndërmend të rimartohej. Megjithatë ajo do të bëhej sërish kryefjala e mediave të huaja në vitin 2006, kur në moshën 79-vjeçare njoftoi se do të martohej me një burrë 34 vjet më të vogël se ajo. Më vonë Gina anuloi dasmën dhe fajësoi mediat për prishjen e marrëdhënies.
Gjatë një udhëtimi në Shtetet e Bashkuara, ajo i kërkoi Kongresit Amerikan të miratonte ligje më të rrepta që mbrojnë privatësinë e qytetarëve nga ndërhyrjet e mediave.
Pavarësisht se luajti përballë yjeve të njohur amerikanë si Frank Sinatra dhe Burt Lancaster, ajo preferoi të ndiqte karrierën në atdheun e saj.
Ajo mori famë në Itali me rolet kryesore në dy komeditë italiane të regfjisorit Luigi Comencini “Bread, Love and Dreams” dhe “Bread, Love and Xhelousy”.
Karriera e saj u zbeh në vitet 1960 dhe ajo e zhvendosi fokusin e saj në fotografi dhe politikë.
o.j/dita
O zot,,Bukuria mos t`u prishte!Nuk gjetet nje foto te rinise se saj,por ma keni nxjerre si shtrige plake kete trendafilin me vese,bukurine me natyrale te kinematografise boterore.
Ne shqiptaret nuk i kemi pare keto filmat me tituj amerikane,,Ne kemi pare Fan Fan Tulipan.
E paharruar qofte!