Rekordmeni botëror i maratonës për meshkuj, Kelvin Kiptum nga Kenia, 24 vjeç, ka vdekur në një aksident rrugor në vendin e tij.
Ai u vra së bashku me trajnerin e tij, Gervais Hakizimana nga Ruanda, në një makinë në një rrugë në Kenia perëndimore të dielën.
Aksidenti rrugor ndodhi rreth orës 23:00 me orën lokale të dielën, citohet të ketë thënë policia raporton agjencia e lajmeve AFP.
Duke dhënë detaje të mëtejshme të aksidentit, policia u shpreh se Kiptum ishte shoferi dhe automjeti “humbi kontrollin dhe u rrotullua, duke vrarë të dy në vend”.
Një zëdhënës i cituar nga AFP shtoi se pasagjerja e tretë – e cila ishte femër – ishte plagosur dhe u transportua në spital.
Ministri kenian i Sportit, Ababu Namwamba shkroi në X: “Kenia ka humbur një perlë të veçantë”.
Udhëheqësi i opozitës dhe ish-kryeministri i Kenias, Raila Odinga, tha se vendi kishte humbur “një hero të vërtetë” dhe po mban zi për “një individ të jashtëzakonshëm… dhe një ikonë të atletikës keniane”.
Presidenti i Atletikës Botërore, Sebastian Coe gjithashtu ka kryer nderimet për atletin, duke thënë se Kiptum ishte “një atlet i jashtëzakonshëm që la një trashëgimi të jashtëzakonshme, do të na mungojë shumë”.
j.l./ dita
