Senatori nga radhët e Partisë Demokratike i New Jerseyt, Cory Booker, ka mbajtur një fjalim maratonë para Senatit të Shteteve të Bashkuara të Amerikës, shkruan AP.
Fjalimi i tij zgjati gjatë gjithë natës së të hënës.
Booker doli në katin e Senatit të hënën në mbrëmje dhe bëri të ditur se do të qëndronte atje për aq kohë sa ishte i “aftë fizikisht”. Më shumë se 21 orë më vonë, senatori 55-vjeçar, një ish-lojtar i futbollit amerikan, dukej dukshëm i lodhur, por vendosi të vazhdojë.
Është një shfaqje e jashtëzakonshme e qëndrueshmërisë, ndër më të gjatat në historinë e Senatit, teksa demokratët po përpiqen t’iu tregojnë votuesve të tyre se po bëjnë gjithçka që po munden për të kundërshtuar politikat e presidentit amerikan, Trump.
“Këto nuk janë kohë normale në vendin tonë”, ka thënë Booker në pjesën hyrëse të fjalimit.
“Dhe nuk duhet të trajtohen si të tilla në Senatin e Shteteve të Bashkuara. Kërcënimet për popullin amerikan dhe demokracinë amerikane janë të rënda dhe urgjente, dhe ne të gjithë duhet të bëjmë më shumë për të qëndruar kundër tyre”, ka shtuar ai.
Booker po shërben mandatin e tij të dytë në Senat. Ai ishte një kandidat për t’u nominuar për president në vitin 2020, kur e nisi fushatën e tij në Newark. Ai u tërhoq pasi pati vështirësi për të fituar terren, duke dështuar ta kalojë pragun e nevojshëm për të marrë pjesë në debatet brendapartiake te Partia Demokratike.
j.l./ dita
Mendimet me te thella kane nevoje per sa me pak fjale dhe sa me te thjeshta. Mund te grish sallate sa te duash po nuk behet mish e as buke.