Një shumë e madhe parash është vjedhur në banesën e një ish-mjekeje në lagjen “Ura Dervishbeg” në Shkodër. Pronarët, burrë e grua, kanë bërë denoncim sot (12 shkurt 2025) në polici për humbjen e parave, gjatë kohës që ata nuk kanë qenë në shtëpi.
Shuma e vjedhur dyshohet të jetë mbi 100 mijë euro, të cilën e mbanin në një dollap të dhomës së gjumit. Autori, i maskuar, i është afruar në banesë me biçikletë, dhe po me të është larguar.
Nga hetimet rezulton se dera është hapur me çelës, dhe autori ka hyrë brenda krejt i qetë ka mundur të marrë shumën e konsiderueshme të parave.
Dyshimet e hetuesve janë për njeri të njohur të familjes, bazuar në mënyrën si është kryer vjedhja pa thyerje, me çelës dhe me informacion të detajuar për vendndodhjen e parave e cila flitet se mund të jetë deri në trefishin e 100 mijë eurove. Blutë po punojnë për identifikimin e tij.
Deri në orët e vona të mbrëmjes së 12 shkurtit policia nuk shpërndau asnjë informacion.
j.l./ dita
Nuk po më vjen shumë keq. Një hajdut që ka vjedhur një hajdut tjetër!
Lekët e vjedhura mund të jenë dhe lek krimi, janë kohë të vështira, nuk i merret vesh.
Ku vdes morali, ringjallet kafshëria.
Hajduti vjedh hajdutin, msyni i her ka viçidoli.