4.34 milionë pasagjerë të transportuar dhe një rritje prej 179% brenda një viti
Tiranë, 19 korrik 2022: Wizz Air, linja ajrore evropiane ultra-low-cost, me rritjen më të shpejtë dhe më e qëndrueshmja në Evropë, feston numrin rekord të pasagjerëve në qershor, duke transportuar 4,34 milionë pasagjerë gjatë këtij muaji. Kjo përbën një rritje prej 179%, krahasuar me qershorin e vitit 2021.
Gjatë 12 muajve të fundit, Wizz Air ka zgjeruar me shpejtësi rrjetin e saj të larmishëm, duke shtuar 200 linja të reja në 126 destinacione, në të gjithë Evropën dhe më gjerë.
Për të mbështetur këtë rritje të vazhdueshme, gjatë vitit të kaluar Wizz Air ka futur në shërbim 27 avionë ultra-modernë dhe efikasë Airbus. Duke përfshirë teknologjitë më të fundit, flota Airbus e Wizz Air, është një element integral i strategjisë së qëndrueshmërisë së linjës ajrore, duke mbështetur synimet e saj për të reduktuar emetimet e CO2 me 25% për kilometër pasagjerësh, deri në vitin 2030. Gjithashtu, në fillim të këtij viti Wizz Air nënshkroi një Memorandum Mirëkuptimi me Airbus, për të eksploruar potencialin e operimit të avionëve me hidrogjen.
Numri i madh i porosive tek Airbus, mbështet synimin e Wizz Air për të patur një flotë prej 500 avionësh, deri në fund të dekadës. Porosia aktualisht përbëhet nga 13 avionë A320neo, 255 avionë A321neo dhe 47 avionë A321XLR, plus porosinë shtesë për 15 avionë A321neo dhe të drejtat e blerjes për 75 avionë A321neo, për një total prej 411 avionësh.
Paulina Gosk / Zsuzsa Trubek, Menaxhere e Komunikimit në Wizz Air, tha: “Ne jemi krenarë që kemi transportuar një numër rekord pasagjerësh në destinacionet e tyre, në qershor. Pavarësisht sfidave të ditura botërisht, me të cilat përballet industria e udhëtimeve, ne kemi patur një rritje të konsiderueshme gjatë vitit të kaluar, duke vendosur themelet për rritje të vazhdueshme gjatë dekadës së ardhshme. Porosia jonë prej mbi 400 avionësh Airbus, është një revolucion i vërtetë për WIZZ, që synon gjurmën më të ulët mjedisore për pasagjer, si dhe mbështet strategjinë tonë ambicioze WIZZ500. Ne dëshirojmë të falënderojmë klientët tanë besnikë, që vazhdojnë të zgjedhin Wizz Air për tarifat e saj të ulëta, rrjetin e larmishëm të linjave, flotën e re dhe të gjelbër, si dhe shërbimin e shkëlqyer në bord.”
Rreth Wizz Air
Wizz Air, linja ajrore evropiane ultra-low-cost me rritjen më të shpejtë, operon një flotë prej 158 avionësh Airbus A320 dhe A321. Një ekip profesionistësh të përkushtuar të aviacionit, ofron shërbime superiore dhe tarifa shumë të ulëta, duke e bërë Wizz Air zgjedhjen e preferuar të 27.1 milionë pasagjerëve për vitin financiar F22, që përfundon më 31 mars 2022. Wizz Air është i listuar në Bursën e Londrës nën shenjën WIZZ. Kompania u shpall kohët e fundit si një nga dhjetë linjat ajrore më të sigurta në botë nga airlineratings.com, e vetmja agjenci e vlerësimit të sigurisë dhe produkteve në botë, si dhe “Linja ajrore e vitit 2020” nga ATW, vlerësimi më i lartë që një kompani ajrore ose individ mund të marrë, i dhënë për individët dhe organizatat që janë dalluar për performancën e jashtëzakonshme, inovacionin dhe shërbimin superior.
Për më shumë informacion:
Zsuzsa Trubek, Menaxhere e Komunikimeve në Wizz Air: +36 70 652 4115
Follow us on Instagram: @wizzair
Follow us on Facebook: @wizzair
Follow us on Twitter: @wizzair
http://wizzair.com/en-GB/press
