Wizz Air, linja ajrore me rritjen më të shpejtë në Evropë, u vlerësua si linja ajrore low-cost, më e qëndrueshme, në World Finance Sustainability Awards 2022.
World Finance përgëzoi fituesit për punën e tyre për të sjellë ndryshime transformuese, dhe në veçanti vlerësoi angazhimin e vazhdueshëm të Wizz Air për qëndrueshmërinë, veçanërisht programin e saj ambicioz të rinovimit të flotës dhe nisma të tjera për kursimin e karburantit. Linja ajrore është krenare që ka emetimet më të ulëta të karbonit për kilometër pasagjerësh në Evropë, dhe është zotuar që deri në vitin 2030, të reduktojë më tej emetimet me 25%, në krahasim me nivelet e vitit 2019.
Një element integral i strategjisë së qëndrueshmërisë të Wizz Air, është flota e saj Airbus, e cila është një nga më të rejat në Evropë dhe aktualisht përbëhet nga 154 avionë me një moshë mesatare 4,93 vjeç. Me teknologjitë më të fundit në aviacion, avioni Airbus A321neo ofron një reduktim 50% të zhurmës, një reduktim 20% në konsumin e karburantit dhe një reduktim 50% në emetimet e oksidit të azotit, krahasuar me modelet e mëparshme të avionëve. Gjithashtu, Wizz Air nënshkroi kohët e fundit një Memorandum Mirëkuptimi me Airbus, për të eksploruar potencialin e operacioneve shumë efikase dhe me kosto të ulët me energji hidrogjeni.
Tani në vitin e tij të katërt, World Finance Sustainability Awards nderon kompanitë që vendosin vlerat e gjelbra në krye të operacioneve të tyre të biznesit. Çmimet shtrihen në tridhjetë segmente të ndryshme të industrisë, duke mbuluar gjithçka: nga kujdesi shëndetësor, tek monedhat dixhitale, e deri tek aviacioni.
Johan Eidhagen, Shefi i Kuadrit dhe ESG në Wizz Air, tha: “Ne jemi të nderuar që jemi vlerësuar si linja ajrore low-cost më e qëndrueshme në World Finance Sustainability Awards – një dëshmi e përkushtimit tonë të vazhdueshëm ndaj qëndrueshmërisë. Ne mbetemi ambiciozë me strategjinë tonë të qëndrueshmërisë dhe vazhdojmë të investojmë në teknologjinë më të avancuar, duke hapur rrugën drejt një udhëtimi ajror më të qëndrueshëm. Ne po e udhëheqim industrinë me shembull. Në fakt, nëse çdo linjë ajrore do të ishte po aq efikase sa Wizz Air, emetimet evropiane të karbonit nga aviacioni do të reduktoheshin me 34%. Së bashku me flotën tonë moderne, iniciativat për kursimin e karburantit dhe investimet në teknologji, ne po sigurojmë që Wizz Air të jetë zgjedhja e udhëtimit ajror më efikase ndaj mjedisit.”
Për më shumë informacion:
Zsuzsa Trubek, Communications Manager, Wizz Air: +36 70 652 4115
