Është zbuluar në Suedi depozita më e madhe europiane e metaleve të rralla, që përdoren gjerësisht në industri, nga ndërtimi i telefonave tek ai i raketave.
Për momentin nuk ka asnjë minierë të këtyre metaleve në Europë dhe për Suedinë ky zbulim është një rrugëdalje për zvogëlimin e varësisë së Bashkimit Europian nga Kina. Zbulimi është konsideruar vendimtar edhe për kalimin në ekonominë e gjelbër, për shkak të kërkesës gjithnjë në rritje për makina elektrike dhe turbina ere. Në vitin 2021, rreth 98% e metaleve të rralla në BE u importuan nga Kina.
Sipas raportimeve, në Arktikun suedez janë gjetur mbi 1 milion ton metale të rralla. Sipas Shteteve të Bashkuara të Amerikës, në botë, rezervat e këtyre metaleve përllogariten të jenë rreth 120 milionë tonë.
Termi metale të rralla përdoret për një grup prej 17 elementesh që përdoren për ndërtimin e një game të gjerë produktesh dhe në infrastrukturë, të cilat janë tepër të rëndësishme për jetën e përditshme. Ato gjenden në telefonat celularë, pajisjet kompjuterike dhe trena. Por janë gjithashtu të rëndësishme për teknologjinë e gjelbër, pasi përdoren edhe për ndërtimin e turbinave të erës dhe makinave elektrike. Disa elemente përdoren edhe për pajisje ushtarake, si raketa dhe sisteme drejtimi.
Nxjerrja e këtyre metaleve është e rrezikshme dhe ka mundësi që të dëmtojë ambientin. Por kërkesa për to parashikohet të rritet me 5-fish deri në vitin 2030.
Çfarë janë metalet e rralla?
Neodymium: Përdoret për të ndërtuar magnete të fuqishme, që përdoren në altoparlantë dhe njësitë kompjuterike, duke i bërë më të vegjël dhe më efikas. Magnetet me neodymium përdoren gjithashtu për ndërtimin e turbinave të erës dhe makinave hibride.
Lanthanum: Ky element përdoret për ndërtimin e lenteve të teleskopëve dhe kamerave, si dhe në ndriçim dhe kinema.
Cerium: Përdoret në kataliktet e makinave dhe në procesin e rafinimit të naftës.
Praseodymium: Përdoret për krijimin e metaleve të forta që përdoren në ndërtimin e motorëve të avionëve.
Gadolinium: Përdoret në sistemet e skanimit me rreze X dhe MRI, si dhe në ekranet e televizorëve.
Yttrium, terbium, europium: Përdoren për ndërtimin e ekraneve të televizorëve dhe kompjuterëve dhe pajisjeve të tjera me ekrane. Europium përdoret edhe në ndërtimin e shufrave të reaktorëve bërthamorë.
Burimi: Shoqëria Mbretërore e Kimisë, Studime Gjeologjike Britanike
j.l./ dita
Uroj te mos gjenden ne Shqiperi se i shiti xhambazia mineralet me gjithe toke,ku te jene.
Ja dhe një rrotë cari, që uron që shteti i tij të mos ketë metale të rralla.
E or maskara ee.Ay po shet detin,psee ka nafte,po dergon kufijte ne Hage,qe ti shqyejne grekerit,,
Sa te jene keta hajdute ne pushtet,,une uroj qe shteti te kete mut poshte,jo metale te rralla.
Ik mor debil, merr ilaçet. Pastaj u shndërrofsh në m¥tin e shtetit tonë nën tokë. Idiotë si ty janë të dobishëm vetëm si pleh organik.