Komisioni Qendror i Zgjedhjeve në Kosovë (KQZ), ka publikuar sot rezultatin paraprak të zgjedhjeve parlamentare të 9 shkurtit në Kosovë, pas numërimit të 100 për qind të votave nga vendvotimet.
Sipas rezultateve paraprake, Lëvizja Vetëvendosje ka marrë 342.281 vota ose ndryshe 40.80 për qind, Partia Demokratike ka marrë 184.811 ose 22.03 për qind, Lidhja Demokratike ka marrë 147.888 ose 17.63 për qind dhe koalicioni AAK Nisma ka marrë 62588 ose ndryshe 7.46 për qind të votave.
Ndërkaq rezultatet paraprake nuk përfshijnë votat me kusht, votat e personave me nevoja të veçanta dhe votat e diasporës.
Gjatë ditës së sotme, KQZ-ja bëri të ditur gjithashtu se ka numëruar 92.73 për qind edhe të votave për kandidatët për deputetë.
Lëvizja Vetëvendosje, e cila ka siguruar më së shumti vota në këtë proces zgjedhor, është zotuar se do ta formojë Qeverinë e re, ndonëse me rezultatet aktuale, ajo nuk i ka 61 deputetë për miratim të kabinetit të ri qeveritar.
Partitë opozitare, PDK, LDK, dhe AAK, kanë hedhur poshtë mundësinë e krijimit të koalicionit me LVV-në dhe kanë shprehur gatishmëri për formimin e një Qeverie së bashku.
j.l./ dita
Zgjedhje të reja.
Ngushëllime demos , Albini në opozitë .
Sa kohe u duhet ketyre per te numeruar votat?Rezultatet dulen qe naten e pare dhe jane po ata numra.Duan leke keta e bejne sikur punojne,numrojne…..
Albini ka fituar 47ulse.VV mer nga numerimi I votave te diaspores edhe kater vende plus edhe nje vende nga nje serb i pavarur behen 52 plus dhjet nga komunitetet e pavarura- 62vende. Te tjerat Jane llafe
Albini t’a qajë kryeministrinë , të treja partitë opozitare marrin shumicën e vëndeve në parlament . Po t’a donte populli , nuk e votonte vetëm 40% .
Albini duhet te dali ne opozite,duhet nje qasje e re,me nje qeveri tjeter si ndaj partnereve nderkombetare USA dhe BE edhe ndaj Shqiperise e negociatave me Serbine.Ne te gjitha keto drejtime ,Kurti beri hapa mbrampsht apo ne vend numuro.Retorikat patriotike jane te tejkaluara.Para Kosova per pranim nderkombetar si shtet i pavarur me ulese ne te gjitha institucionet nderkombetare.
Duhet patjeter dhe urgjentishte te ndryshohet Ligji zgjedhor nga ky ligj idiot qe edhe me numrime te sterzgjatura mundeson manipulime flagrante te te rezulltateve zgjedhore..!
Albini eshte anarkist, me te ne opozite Kosova nuk do gjeje kurre qetesi.