Departamenti amerikan i Shtetit (DASH) tha se bisedimet në Bruksel për rregulloren e Bankës Qendrore të Kosovës (BQK), që ndalon përdorimin e dinarit serb në Kosovë, “duhet të vazhdojnë me urgjencë”.
“Dialogu i ndërmjetësuar nga Bashkimi Evropian është kanali i duhur për zgjidhjen e çështjeve që kanë të bëjnë me normalizimin e marrëdhënieve mes Kosovës dhe Serbisë”, tha një zëdhënës i DASH-it, pasi u pyet nga Radio Evropa e Lirë për të komentuar bisedimet që u zhvilluan të martën për çështjen e rregullores.
Ndërmjetësuesi i tyre, i dërguari i BE-së për dialogun Kosovë-Serbi, Mirosllav Lajçak, tha se shumë pikëpyetje politike për çështjen e dinarit serb në Kosovë, mbetën pa përgjigje, prandaj “duhen takime shtesë”.
Guvernatori i BQK-së, Ahmet Ismaili, i cili udhëhoqi delegacionin e Kosovës, tha se nuk u diskutua për rregulloren, porse për mundësitë që i ofron ajo për transferimin e mjeteve nga shtetet e tjera në Kosovë.
Delegacionin e Serbisë e udhëhoqi kryenegociatori Petar Petkoviç, i cili tha se rregullorja e BQK-së kërkon zgjidhje në nivel politik. Bisedimet pasuan fuqizimin e kësaj rregulloreje, e cila e përcakton euron si valutën e vetme që mund të përdoret për pagesa të gatshme në Kosovë. Por, rregullorja nxiti reagime të zemëruara të Beogradit zyrtar, i cili mbështet financiarisht komunitetin serb në Kosovë.
Bashkësia ndërkombëtare shprehu, po ashtu, shqetësime për ndikimin e saj në jetën e qytetarëve serbë dhe kërkoi pezullimin e saj. Ndihmësi i sekretarit amerikan të Shtetit, James O’Brien, tha se vendimi për dinarin i ka vënë në pikëpyetje marrëdhëniet Kosovë-SHBA.
“Shtetet e Bashkuara kanë qenë të qarta në shprehjen e shqetësimeve për rregulloren e re”, tha zëdhënësi i DASH-it për REL-in.
Ai tha se përsërit thirrjet për Kosovën dhe Serbinë që t’i ulin tensionet dhe të angazhohen “seriozisht dhe urgjentisht”, në përpjekje “për të arritur një marrëdhënie paqësore dhe produktive në kuadër të dialogut të lehtësuar nga BE-ja”. Kryeministri i Kosovës, Albin Kurti, këmbëngul se vendimi i BQK-së nuk mund të anulohet. Sipas tij, rregullorja nuk i ndalon pagesat nga buxheti i Serbisë, por se ato duhet të bëhen në euro. Presidenti i Serbisë, Aleksandar Vuçiç, thotë se qëllim i Kurtit është “spastrimi etnik i popullit serb nga Kosova”.
REL
…dhe kujdes,shurren ta beni kur Themi dhe si Themi ne,Jo si doni Ju.
O Shaban , nuk kini faj juve , fajet vertet I ka SHBA-ja dhe NATO , qe harxhojne pare , mjete e njerez , per te mbrojtur nje province te qelbur , qe nuk e njef si shtet me shume se gjysma e botes . E mira eshte , te terhiqet NATO dhe ta lere krahinen , te shkoje aty ku I takon te jete , brenda Serbise .
Kot veprojne te gjithe ata shtete qe marrin vendime arbitrare.Dinari ne Republiken e Kosoves,ka shume prapavija.Vet SHBA eshte deklaruar dhe i qendron asaj kur thote: duhet luftuar terrorizmi,kantrabanda,larja e te hollave..te gjitha keto nga rusoserbia behen me nje wellim te caktuar,te cilat fakte,i di edhe nje femi pese vjec.BQK si nje institucion i pavarur ,jo politik e mori vendimin historik per ndalimin e dinarit ne menyre ilegale,por ne asnje menyre ne rruge ligjore ndermjet postave legjitime.Ky vendim i terboi rusoserbet e alarmuan boten,i trazuan shpirterat e brizhda,keta i duartrokiten…Perdorimi i dinarit ne esence do te thote :sovranitet i fashizmit rusoserb,venie ne pikepyetje sovraniteti liria pavaresia e Republikes se Kosoves.Ne kete sege ,sigurisht qe Kryeministri Albin Kurti me te gjitha institucionet do dali ne mbrojtje te Kushtetutes interesit madhor te shtetit.Kot e kane kush i jep tjeter kahje keti konteksti,vetem ua mundesojne qe rusoserbet te krijojne akoma fantazia pa e patur shkopin magjik ne duart e tyre…Koha do te vertetoj se Republika e Kosoves,gjegjesisht BQK mori nje vendim ne kohen e duhur..
Flamur Struga , per lirine e pavaresine e Kosoves , ka kush mendon . Mendojne ata qe ia dhane kete pavaresi , sepse Kurti dhe kosovaret , sado te mendojne e sado te mundohen , nuk e mbrojne dot Kosoven , prandaj , bejne mire te degjojne ne cdo hap qe bejne baballaret e Kosoves , NATO- SHBA , rruget e tjera , te shpien ne kohen e Milloshevicit .