Vladimir Putin është gati të rihapë rubinetet e gazit për Evropën përmes gazsjellësit të vetëm operativ, “Rrjedha e Veriut II”.
Nga forumi për energjinë i mbajtur në Moskë, presidenti rus tha se “topi është në fushën e BE-së” dhe akuzoi Shtetet e Bashkuara për shpërthimet që dëmtuan tre gazsjellës që sillnin gaz rus përmes detit Baltik.
“Nuk ka asnjë dyshim se ky është një terrorizëm ndërkombëtar, qëllimi i të cilit është dëmtimi i sigurisë energjetike të të gjithë kontinentit. Logjika është cinike, të shkatërrosh, të bllokosh burimet e energjisë së lirë, t’u mohosh miliona njerëzve konsumin e gazit, elektricitetit dhe burime të tjera dhe t’i detyrosh ata t’i blejnë ato me çmime më të larta”, tha Putin.
Sipas Putin, dëmtimi i gazsjellësve i sjell përfitime vetëm Shteteve të Bashkuara dhe kompanive amerikane që tani i sjellin gaz Evropës. Uashingtoni i ka hedhur poshtë akuzat.
Qeveri të ndryshme evropiane deklaruan më herët se dy gazsjellës kishin rënë pre e një akti sabotazhi, por nuk fajësuan askënd.
Ky dhe akte të tjera të tilla kanë dëmtuar përpjekjet e Unionit për të luftuar inflacionin. Ministrat e Energjisë janë takuar në Pragë për të diskutuar një marrëveshje mbi çmimet e energjisë, që pritet të bëhet publike dhe të miratohet nga 27 vendet anëtare javën e ardhshme.
Putin tha mes të tjerash se, vendosja e një çmimi kufizues për naftën “kërcënon miliarda njerëz”.
ja si imperializmi botëror e hap terrenin: shpik kriza e luftra, rrit çmimet me veglat që posedon dhe pastaj i jep fund krizës dhe del me fitime marramendëse.
pra kemi 1 litër vaj = 200 lek.
bëhet lufta dhe kriza. rriten çmimet
litri i vajit shkon 400 lek.
ndërkoh që kapitalisti nuk harxhoi më shumë. pra fitoi dyfish dhe harxhimin e pati të njëjt. bile edhe më shum. tha hajt të pushoj ca nga puna dhe tua ngarkoj ktyre të tjerëve.
ja edhe populli e mori vajin 2fish më shtrenjt brenda vitit.
e vetmja mënyrë shpëtimi është: punëtorët e çdo fabrike të bëjn revolucionin, të bëhen zotër të fakbrikave dhe të shtetit dhe ta mbajnë vajin e çdo gjë tjetër me çmim të mirë për popullin.
fitimi të jetë komplet i shtetit të ri të diktaturës së proletariatit dhe i bie të jet për popullin. pra ndërtimi i industrive, pallateve rrugëve etj