Gjykata e Apelit të Posaçëm në seancën e zhvilluar ditën e sotme ka rrëzuar kërkesën e kryebashkiakut Erion Veliajt për heqjen e sekuestros së celularit. Ankimi i kryebashkiakut të Tiranë u shqyrtua nga gjyqtari Engert Pëllumbi.
Një ditë më parë, GJKKO la në qeli Veliajn si edhe rrëzoi edhe ankimin e biznesmenit Elman Abule, i cili mbetet në arrest shtëpie.
Gjithashtu sot në Gjykatën e Lartë do shqyrtohet edhe një rekurs i vëllait të Veliajt, Arbër Veliaj për sekuestron e celularit.
Njoftimi i Gjykatës:
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 24.04.2025, shpalli vendimin mbi çështjen penale nr. 107, datë 18.04.2025 regjistrimi, regjistruar mbi ankimin e ankuesit E.V., me objekt: “Ankim ndaj vendimit nr. 132 akti, datë 04.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për kundërshtimin e vendimit të prokurorit për vleftësimin e sekuestros”, dhe vendosi:
Miratimin e vendimit 132 Akti, datë 04.03.2025 të Gjykatës së Posaçme të Shkallës së Parë për Korrupsionin e Krimin e Organizuar. Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij
Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi “detyrim paraqitje”.
Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të kundërligjshme.
j.l./ dita
Une nuk dua te flas per Veliajn! Nuk e kam njojtur kurre! Por kam njejtur prokuroret dhe Gjykatesit e Drejtesise se re! Jam habitur kur disa e kaluan Vetingun dhe shume te tjere te ndershem jo! Cfare ndodhi? Ndoshta nje dite do te sqarohet! Por e njoh edhe Dumanin, ish prokuror per 21 Janarin! Ja “mbylli gryken Saliu”! Ku e kishte trimerine e sotme! Nje njeri shume emocional, nje SPAK pa standarte! Duhet te vendosen ligje qe te veprohet njelloj per te gjithe! Nese Berisha Saliu eshte i lire duhet te jete edhe Likja edhe Veliaj dhe shume te tjere! Per te njejtat akuza qendrime te ndryshme! Ne boten e drejtesise do ta largonin nga prokuroria! Te kalohet ceshtja Partizani ne gjyq apo jo,ka kaluar te gjitha afatet sepse eshte “ceshtja Sali” dhe ai ju ka futur daten te gjitheve! Pse nuk merren masa disiplinore per kete gjykatese dhe gjykatesin e Madh qe denoi Tahisrin dhe Veliaj! Urime Shqiperi!