Ndërsa bota mban zi dhe përgatitet për ceremoninë madhështore të lamtumirës së Atit të Shenjtë, Papa Françesku, edhe Shqipëria do të jetë pjesë e kësaj ngjarjeje të rëndësishme shpirtërore dhe historike.
Përfaqësues të lartë të komuniteteve fetare shqiptare do të udhëtojnë drejt Vatikanit për të nderuar figurën e Papës dhe për të marrë pjesë në ceremoninë mortore që pritet të bashkojë liderët më të rëndësishëm botërorë.
Siç mësohet, ata që do marrin pjesë në këtë ceremoni janë Arqipeshkvi i Kishës Katolike Arjan Doda, Kryepeshkop Joan dhe Kryegjyshi Botëror i Bektashinjve Dedë Edmond Brahimaj.
Ndër liderët botërorë, do të marrin pjesë në funeral Donald Trump, Keir Starmer, Emmanuel Macron dhe Volodymyr Zelensky.
Pallati Kensington njoftoi gjithashtu se Princi William do të udhëtonte në Vatikan në emër të babait të tij, mbretit Charles.
Papa Françesku, 88 vjeç, vdiq të hënën pas një goditjeje në tru dhe arrestit kardiak, duke i dhënë fund një pontifikati shpesh të trazuar, gjatë të cilit ai u përplas vazhdimisht me tradicionalistët dhe u bë kampion i të varfërve dhe të margjinalizuarve.
Papa kaloi pesë javë në spital më herët këtë vit duke vuajtur nga pneumoni e dyfishtë dhe dukej se po shërohej ngadalë, por Vatikani të martën tregoi momentet e fundit të tij, duke thënë se vdekja erdhi shpejt dhe ai nuk vuajti.
i.b./dita
Perse nuk merr pjese kreu i komitetit mysliman?
Merri keta SHAMANET o enver,futi ne shtrunge dhe qethi me gersheret e dhenve,se nuk i duhen kujt.Po si humben ne kohen e Revolucionit kulturor,si shurre e pules? Aaaa Sali maloku,sali maloku!Ti nuk mesove per doktor,Ti mesove shejtanin.