Aeroporti në Bergen, qyteti i dytë më i madh i Norvegjisë, u mbyll për dy orë sot pasi banorët panë të paktën një dron aty pranë, thanë zyrtarët norvegjezë.
Ushtria norvegjeze dhe operatori shtetëror i aeroportit Avinor u njoftuan pasi droni i parë u pikas në orën 4:15 të mëngjesit, dhe më vonë u raportuan pamje të reja të dronëve, tha një zëdhënës i policisë norvegjeze.
Policia ka deklaruar se ende nuk janë identifikuar dronët.
Agjencia norvegjeze e lajmeve NTB raportoi se Aeroporti i Bergenit ndodhet pranë bazës më të madhe detare të Norvegjisë, Haakonsvern.
Të paktën gjashtë shtetas rusë janë arrestuar në javët e fundit për operim me dron ose për fotografim të vendeve të ndjeshme ndaj sigurisë në Norvegji, raportoi AP.
